5:257  DE  FUGIENDIS  IMPIORUM  SACRIS.  cietatem  profitendam  digitum  tollunt,  qui  se  quavis  missae  participatione  illigant?  Est  tamen  istud  etiamnum  tertium,  quod  quo  est  manifestius,  eo  pios  animos  afficere  pressius  potest:  nempe  nefanda  [pag.  22]  idololatria,  dum  panis  divinitatem  induere  fingitur,  proque  Deo  in  sublime  adorandus  tollitur,  sublatus  ab  omnibus  colitur.  Quae  tanta  atrocitate,  tantaque  indignitate  referta  res  est,  ut  vix,  nisi  spectetur,  credi  queat:  sic  omnium  oculis  subiecta  patet,  ut  argumentis  opus  minime  habeat.  Pro  Deo,  inquam,  ostentatur,  adoratur,  invocatur  panis  crustulum:  Deus  denique  esse  creditur:  quod  de  suis  simulacris  nullis  unquam  gentibus  persuasum  fait.  Neque  hic  mihi  quispiam  obstrepat,  non  panem,  sed  Christum  adorari,  qui  in  panis  locum  subierit,  ex  quo  legitimo  sit  ritu  consecratus.  Quod  etiamsi  sanctae  Christi  coenae  convenire  demus,  quanquam  nihil  minus  concedimus,  ad  missam  tamen  nihilo  pertinet  magis,  quam  ad  veteres  Pontificum  coenas,  aut  Saliorum  epulum.  Id  quidem  si  inter  nos  conveniret,  quod  certo  constare  debuerat,  Dominum  in  mystica  sua  coena  corpus  praebere  non  quod  adoremus,  sed  quod  edamus:  praesentiamque  non  illam  naturalem,  quam  loco  illo  contineri  oporteat,  sed  spiritualem,  quam  nullum  loci  intervallum,  nulla  distantia  impedire  possit,  proponere:  aut,  si  mavis,  non  naturam  sui  corporis  praesentem  illic  et  circumscriptam  exhibere,  sed  efficaciam  et  virtutem,  ne  in  ipsa  quidem  coena  hic  scrupulus  resideret.  Verum  quoniam  nondum  id  videre  omnibus  datum  est,  rem  dubiam  ac  controversam  pro  confessa  certaque  me  praesumere  ne  quis  cavilletur,  illa  parte  non  instabo.  Adsit  sane  in  sua  coena  praesens  vero  ac  naturali  corpore  Christus,  manibus  attrectetur,  dentibus  atteratur,  faucibus  deglutiatur,  divinitatem  illic  praeterea  suam  sistat,  qualiter  in  eius  carne  ineffabili  modo  habitavit,  quam  ius  fasque  sit  adorari  (quorum  tamen  utrumque  vanissimum  esse,  alibi  demonstratum  abunde  a  nobis  est)  verum  utrumque  ubi  concessum  fuerit,  quid  tamen  inde  ad  panis  frustulum  accesserit,  extra  Christi  coenam?  Non  enim  si  Dominus  suis  fidelibus,  mortis  suae  memoriam  pie  colentibus,  corpus  suum  sub  pane  edendum  praebet,  protinus  etiam  consequitur,  impuris  ipsum  sacrificulis  immolandum  se  mactandumque,  quoties  illis  libeat,  tradere:  nisi  forte  tantam  putido  oleo  subesse  virtutem  arbitramur,  qua  omnes  quas  inuuxerit  *)  manus,  peritas  Christi  formandi  reddat  artifices:  aut  sacrificuli  libidinem,  coelestis  decreti  pondus  habere  credimus,  ut  quoties  e  coelo  Christum  deducere  decreverit,  praesentem  ad  nutum  extemplo  habeat:  aut  Christi  verbis  vim  quandam  magicam  affingimus,  quae  articulate  tantum  demurmu-  1)  Edd  rece  1576  seqq.  inunxerint  (quelle  a  oinct  G.).  Calvini  opera.  Vol.  V.