47:257  257  CAPUT  XL  258  Ideo  habuimus  supra  cap.  5,  23,  Qui  non  honorat  filium,  neque  patrem  honorat.  Quare  frustra  Turcae  et  Iudaei,  quum  sint  in  Christum  contumeliosi,  se  Deum  colere  obtendunt,  imo  Deum  a  se  ipso  divellere  hoc  modo  conantur.  5.  Diligebat  autem  Iesus  Martham.  Videntur  in  speciem  haec  pugnare,  quod  biduum  maneat  Christus  trans  Iordanem  quasi  Lazari  vitam  negligens,  et  tamen  ipsum  ac  sorores  amare  dicatur.  Nam  quum  sollicitudinem  amor  gignat,  statim  accurrere  debuit.  Porro  quum  Christus  unicum  sit  divinae  gratiae  speculum,  docemur  hac  eius  mora,  non  aestimandum  esse  nobis  amorem  Dei  a  praesenti  rerum  statu.  Rogatus  saepe  auxilium  suum  differt,  vel  ut  orandi  ardorem  magis  acuat,  vel  ut  patientiam  nostram  exerceat  simulque  assuefaciat  ad  obsequium.  Sic  ergo  Dei  opem  fideles  implorent,  ut  simul  discant  vota  sua  suspendere,  si  quando  tardius  quam  videtur  necessitas  postulare  manum  suam  ad  ipsos  iuvandos  proferat.  Nam  utcunque  cesset,  nunquam  tamen  dormit  nec  suorum  obliviscitur.  Interea  certo  simus  persuasi  ipsum  quoscunque  diligit  velle  salvos  esse.  7.  Deinde  post  hoc  dicit  Nunc  tandem  se  curam  Lazari  habuisse  demonstrat,  quum  putarent  discipuli  ipsum  esse  oblitum,  vel  saltem  Lazari  vitam  aliis  rebus  posthabere.  Hortatur  ergo  eos  ut  traiecto  Iordane  Iudaeam  petant.  8.  Rabbi,  nunc  quaerebant.  Quod  eum  absterrent  discipuli,  non  tam  fortasse  eius  causa  faciunt  quam  sui  respectu,  quod  sibi  quisque  timeat,  sicuti  commune  erat  omnibus  periculum.  Ergo  quum  crucem  subterfugiant  idque  fateri  pudeat,  quod  magis  est  speciosum,  se  pro  magistro  sollicitos  esse  obtendunt.  Idem  quotidie  permultis  accidit.  Nam  qui  ab  officio  declinant  crucis  metu  multiplices  hinc  inde  praetextus  sibi  accersunt  ad  obtegendam  suam  mollitiem,  ne  videantur  absque  iusta  causa  Deum  fraudare  debito  obsequio.  9.  Nonne  duodecim  sunt  Varie  expositus  fuit  hic  locus.  Quod  putarunt  nonnulli  doceri  his  verbis  mutabiles  esse  hominum  animos,  ut  singulis  interdum  horis  novum  ac  diversum  consilium  capiant,  nimis  remotum  est  a  Christi  mente:  nec  sane  referre  dignatus  essem,  nisi  quia  in  vulgare  proverbium  cessit.  Ergo  genuino  et  simplici  sensu  contenti  simus.  Primum  similitudinem  mutuatur  Christus  a  nocte  et  die.  Nam  si  quis  in  tenebris  iter  faciat,  non  minum  si  subinde  impingat,  vel  erres  vel  labatur:  at  lux  solis  interdiu  viam  monstrat,  ne  quid  sit  periculi.  Vocatio  autem  Dei  instar  lucis  diurnae  est,  quae  nos  errare  vel  impingere  non  patitur.  Quisquis  ergo  Dei  verbo  obtemperat,  nec  quidquam  aggreditur  nisi  eius  iussu,  illum  quoque  habet  e  coelo  ducem  ac  directorem,  et  hac  fiducia  secure  et  intrepide  viam  arripere  potest.  Nam,  ut  Calvini  opera.  Vol.  XLV  IL