29:257  257  IN  I.  LIB.  SAMUEL.  CAP.  I.  258  mihi  esset  incessi,  ete.  Quare  observandum  duplex  nostrum  fore  crimen,  si  a  quibus  nullis  fuerimus  iniuriis  lacessiti  fastuose  despiciamus.  Dicam  amplius:  ne  quidem  provocatos  ab  hominibus  decere  privatas  iniurias  persequi,  malnmque  malo  compensare*  Sed  inhumanum  est  ac  belluinum,  non  quidem  provocatos  iniurias  velle  persequi,  sed  scommatibus  ac  rixis  proximum  lacessere  et  irritare.  Verum  enim  vero  Satanae  laquei  nobis  atque  fraudes  diligenter  cavendae  sunt,  nam  si  cum  proximorum  contemptu  rem  bene  gessisse  nobis  videamur,  in  laqueos  nos  involvimus  ex  quibus  vix  unquam  explicari  possimus.  Deus  itaque  suppliciter  orandus  ut  pacem  ac  coniunctionem  fraternam  sine  simulatione  et  fuco  inter  nos  foveat:  adeoque  nobis  eam  mentem  iniiciat,  ut  ad  quaevis  toleranda  potius  parati  quam  ad  malum  proximis,  quo  nos  angi  potius  oportet,  procurandum  proclives  simus.  Nec  novum  istud  et  insolens:  quandoquidem  ex  Davidis  exemplo  quod  superius  attulimus,  apparet,  sanctos  reges  in  maximis  angustiis  et  difficultatibus,  et  hostibus  adversus  eos  cum  magno  fastu  insurgentibus,  et  instar  rabidarum  ferarum  ultimum  exitium  minantibus,  istiusmodi  precibus  ad  Deum  confugientes  suis  hostibus  etiam  bene  precatos  esse.  Dignum  sane  exemplum,  in  quo  tanquam  in  speculo,  quid  nos  deceat  inspiciamus.  Ezechiam  itidem  a  Deo  gratiam  et  misericordiam  impetraturum  supplicem  his  verbis  factum  legimus,  2.  Reg.  19,  16.  Inclina  Iehova  aurem  tuam.  et  audi:  aperi.  Domine,  oculos  tuos,  et  vide,  et  audi  omnia  verba  Sennacherib,  ete.  Ezechiam  in  tantam  evectum  dignitatem  intuentes  tam  placide  Deum  interpellantem,  et  hostis  superbiam  commemorantem,  de  duobus  admoneo  mur.  Primum,  ut  hostibus  in  nos  insurgentibus,  et  veluti  pedibus  suis  concnlcantibus,  horum  cogitatione  tristitiam  et  dolorem,  quo  nos  alioquin  obrueremur,  levemus.  Alterum,  ut  Deum  nobis  tum  maxime  adfuturum,  suamque  in  nos  benevolentiam  testatam  facturum  speremus.  Neque  enim  sine  causa  gloriatur  in  scripturis  hoc  titulo  benefici  ac  misericordis,  et  ad  contemptos  et  abiectos  oculos  con  vertentis:  non  frustra  fideles  suos  servos,  quo  sunt  abiectiores  in  hoc  saeculo,  eo  suae  gloriae  fieri  propinquiores,  praedicat.  Quare,  fratres,  haec  animis  vestris  altius  infinite,  tum  nos  Deum  faciliorem  erga  nos  magisque  beneficum  sensuros,  quo  gravioribus  odiis  ab  hostibus  infestati  fuerimus.  Praesentes  animos  gerite  maximis  ingruentibus  tempestatibus:  imo  ne  si  coelum  terrae  misceatur  terremini.  Cavete  tamen,  obsecro,  ne  quibus  se  Deus  inimicum  ostenderit,  iisdem  vos  usi  familiarius  similes  evadatis.  Superbis  enim  Deus  resistit.  Metuenda  igitur  Dei  omnipotentis  vindicta,  si  nos  in  proximos  re  aut  verbis  insolentius  efferri  contigerit.  Quare  caven-  Ccdvini  opera.  Vol.  XXIX��