15:257  257  1554  OCTOB.  258  Senatum  vestrum  non  minus  iuste  quam  necessario  de  effraeni  quorundam  petulantia  queratur,  qui  subinde  optimum  fratrem  nostrum  Calvinum  tanquam  haereticum  proscindunt  :  neque  id  in  cauponis2)  modo  et  inter  pocula  (quod  ipsum  tolerabile  non  esset),  verum  in  mediis  quoque  templis  et  in  publicis  concionibus.  Pridem  ad  hanc  licentiam  progressi  quidem  erant,  ut  pro  suggestu,  quoties  ita  ferebat  libido,  licet  tacitis  nominibus,  non  tamen  obscure  vel  dissimulanter,  nobis  maledicerent.  Diu  tacuimus,  quia  spes  erat  ubi  saturata  esset  eorum  improbitas,  quamvis  ad  sanam  mentem  non  redirent,  saltem  vel  pudore  vel  taedio  quieturos.  Nunc  quum  malum  in  dies  gliscat,  et  nostro  silentio  magis  exacerbetur  eorum  furor,  non  amplius  ferendam  esse  duximus  hanc  pestem.  Atque  ut  sciatis,  nonnisi  gravi  necessitate  coactos  remedium  quaerere,  breviter  referemus  quae  intra  paucos  dies  acciderunt.  Quum  nuper  in  classe  Morgiensi  conventum  haberent  fratres,  quidam  ex  eorum  coetu  Angelus3)  nomine  coram  toto  populo,  quia  aliter  quam  ei  placeret  Calvinus  locum  ex  quinto  Epistolae  ad  Hebraeos  capite  exposuit,  eum  non  modo  pronunciavit  haereticum,  sed  exagitavit  multis  atrocibus  conviciis,  ut  per  totam  regionem  volitet  rumor,  nos  a  ministris  Bernensibus  pro  haereticis  damnatos  esse.  Sequutum  est  paulo  post  non  minus  barbarum  exemplum.  Nam  quum  ad  splendidas  et  lautas  nuptias4)  ex  variis  locis  vocati  essent  hospites,  ex  quibus  erat  quidam  senator  urbis  huius:  Zebedaeus  contra  Dei  providentiam  blatterans,  cuius  arcano  fraeno  docemus,  ut  scitis,  diabolum  et  impios  huc  et  illuc  flecti,  ut  iusta  eius  iudicia  exsequantur,  non  solum  odiose  in  nos  invectus  est,  sed  furiose  clamavit  nos  papistis  esse  deteriores  haereticos,  et  oblique  senatum  nostrum  perstrinxit  quod  sua  autoritate  tam  detestabilem,  ut  dicebat,  errorem  tegeret,  nihilo  maiori  dignum  favore  quam  missam.  Tractabat  locum  illum,  ubi  diaboli  a  Christo  petunt,  ut  sibi  in  porcorum  gregem  intrare  permittat,  neque  expendebat  phreneticus  apud  Lucam  haberi:  Mitte  nos  in  gregem.  En  cur  totam  viciniam  tumultu  impleant.  Porro  eorum  audacia  fretus  nebulo  ille  Hieronymus,  qui  Tononii  habitat,  Calvinum  et  haereticum  et  antichristum  vocitare  non  dubitat.  Est  in  adversa  ripa  lacus,  alter  non  dissimilis,  Sebastianus  5)  nomine,  qui  non  solum  ore  easdem  crepat  voces,  sed  literis  etiam  committit.  2)  emporiis  S.  3)  Lange.  4)  N.  2020,  not  6.  5)  Cave  de  Castellion  e  cogites,  quum  de  quodam  Tonnonii  aut  in  vicinia  degente  agatur.  Potius  Fonseletnm  notari  credimus.  Cf.  subscriptionem  N.  1982.  Calvini  opera.  Vol.  X  F.