10.1:257  CONSILIA.  festes  contre  lhonneur  de  Dieu  lequel  sera  blaspheme  soubz  tiltres  derreurs  et  crimes  de  leze  maieste  divine  et  fauldra  que  celuy  qui  en  vouldra  iouyr  les  produise  en  iustice  qui  est  une  espece  dadveu:  en  cela  il  y  a  du  mal  inexcusable.  Parquoy  ie  ne  vois  point  quil  soit  licite  a  ung  homme  bien  enseigne  en  levangile  de  se  mesler  de  telz  desguisemens.  Toutesfois  sil  y  avoit  quelquung  de  ceulx  qui  portent  a  credit  quelque  faveur  a  levangile  qui  voulut  faire  plaisir,  ie  ne  dictz  pas  quon  ne  se  puisse  servir  de  telle  occasion  moiennant  que  celuy  qui  desire  de  sauver  son  bien  ou  une  partie,  ne  procure  point  telles  lettres  a  lopprobre  du  nom  de  Dieu  et  mesmes  ne  consente  point  quelles  soient  emologuees  mais  quil  retire  ce  quil  pourra  sans  participer  au  mal.  Sur  le  4e  ascavoir  sil  est  permis  de  faire  evader  par  clefz  supposees  par  argent  ou  aultres  praticques  ceux  qui  sont  tenus  prisonniers  pour  la  religion.  Quant  a  moy  ie  noseroie  point  donner  tel  conseil  ny  lapprouver,  mais  quant  telles  entreprises  se  feront  ie  prieray  Dieu  que  lissue  en  soit  bonne  et  mesioyray  si  quelquung  eschappe  sans  tumulte  ne  scandalle.  Ie  vois  quant  dentrc  les  disciples  il  y  a  eu  quelque  prisonnier  que  l'eglise  a  combatu  par  prieres  plustost  quaultrement.  Mesmes  S.  Paul  na  point  voulu  estre  rachete  par  argent.  Parquoy  pour  ne  point  faillir  le  meilleur  seroit  de  sabstenir  de  telles  praticques.  Mais  quant  quelquung  sera  eschape  par  tel  moien,  encores  que  ie  nose  point  iustifier  le  faict,  si  louer  ay  ie  Dieu  de  la  delivrance  et  mesmes  ie  supporteray  plustost  ceulx  qui  en  useront  que  de  les  condamner.  Sur  le  dernier  ascavoir  comment  on  se  doibt  gouverner  envers  ceulx  qui  retournent  aux  idolatries  apres  avoir  communicque  a  la  cene.  Il  est  bien  necessaire  de  tenir  ordre  et  police  qui  serve  de  bride  mais  en  cecy  comme  en  tout  il  est  expedient  de  tenir  mesure.  Cest  dung  coste  quon  ne  permecte  point  que  la  cene  soit  prophanee  sans  aucune  correction  et  aussi  daultre  coste  se  garder  de  trop  grande  rigueur  qui  descouraige  les  debilles.  Or  il  semble  bien  pour  exemple  quil  suffise  que  la  cene  soit  deffendue  pour  une  fois  a  celuy  qui  aura  decline  aux  superstitions,  moiennant  quil  ny  ayt  pas  continue  ou  quil  nayt  point  faict  acte  exhorbitant  qui  soit  pour  redoubler  ou  aggraver  lidolatrie,  mais  devant  toute  chose  quon  regarde  bien  sil  y  aura  penitence.  Quant  a  ceulx  qui  retombent  pour  la  seconde  ou  3e  fois  la  severite  y  doibt  estre  plus  grande  pour  plusieurs  raisons,  tant  pource  quen  leur  estant  trop  facille  on  nourrir  oit  leur  mal  et  seroit  on  cause  de  leur  perdition  que  aussi  on  exposeroit  en  mocquerie  le  nom  de  Dieu  et  les  pro-  Calvini  opera.  Vol.  X.