55:256  rem:  tanquam  etiam  cohaeredes  gratiae,  ne  preces  vestrae  interrumpantur.  7.  Viri  cohabitent  A  viris  exigit  prudentiam.  Neque  enim  illis  dominum  in  uxores  permissum  est,  nisi  hac  lege  ut  eas  prudenter  gubernent.  Meminerint  ergo  mariti,  sibi  ad  officium  praestandum  opus  esse  prudentia.  Et  sane  multae  ineptiae  illis  ferendae  sunt,  devoranda  multa  taedia,  et  simul  cavendum  ne  sua  indulgentia  stultitiam  foveant.  Quare  non  supervacua  est  Petri  admonitio,  ut  scienter  cohabitent  viri.  Tanquam  infirmiori.  Patrem  eius  prudentiae,  de  qua  meminit,  hic  designat,  ut  viri  in  honore  habeant  suas  uxores.  Nihil  enim  est  quod  magis  dirimat  vitae  societatem  quam  contemptus:  nec  possumus  vere  amare  nisi  quos  habemus  in  pretio:  ut  sit  amor  cum  reverentia  coniunctus.  Porro  duplici  argumento  utitur,  ut  viris  persuadeat,  honeste  et  comiter  tractandas  esse  uxores.  Prius  est  ab  infirmitate  sexus:  alterum,  ab  honore  quo  dignatur  illas  Deus.  Videntur  quidem  haec  quodammodo  contraria:  impendi  honorem  debere  mulieribus,  quod  infirmae  sint,  et  quod  excellant:  sed  optime  inter  se  consentiunt,  ubi  viget  caritas.  Hoc  in  confesso  est,  Deum  contemni  in  suis  donis,  nisi  honore  afficimus  quibus  aliquid  praestantiae  contulit:  verum  dum  reputamus  non  eiusdem  esse  corporis  membra,  discimus  nos  sufferre  et  obtegere  mutuo  nostras  infirmitates  venia.  Hoc  est  quod  sibi  vult  Paulus  quum  dicit  membris  infirmioribus  maiorem  honorem  circumdari  (1.  Cor.  12,  23):  quod  scilicet  magis  solliciti  simus  de  protegendo  ipsorum  pudore.  Non  ergo  absurde  Petrus,  dum  mulierum  curam  ideo  haberi,  et  eas  liberali  tractatione  cohonestari  iubet,  quia  infirmae  sunt.  Deinde  ut  facilius  pueris  ignoscimus,  si  quid  per  aetatis  imperitiam  delinquunt:  ita  sexus  infirmitas  facere  debet  ne  tam  rigidi  et  austeri  simus  erga  uxores.  Ya  si  s  nomine,  quodvis  organum  in  scriptura  designari,  satis  notum  est.  Cohaeredes  gratiae  vitae.  Alii  codices  habent  :  Multiplicis  gratiae1):  alii,  loco  vitae,  habent  epithetum  vivae.  Quidam  in  dativo  legunt  cohaeredibus:  quae  varietas  de  sensu  nihil  mutat.  In  aliis  interponitur  copula  inter  gratiam  multiplicem  et  vitam.  Quae  lectio  optime  congruit  Nam  quum  Dominus  viros  communiter  et  mulieres  iisdem  gratiis  dignetur,  illos  ad  colendam  cum  his  aequalitatem  invitat.  Scimus  autem  multiplices  esse  gratias,  in  quibus  mulieres  virorum  sunt  sociae.  Nam  aliae  ad  communis  vita  usum,  aliae  ad  coeleste  Dei  regnum  pertinent.  Postea  subiicit,  esse  etiam  vitae  cohae-  4)  et  vitae.