51:256  vie  celeste  et  au  salut  eternel  de  nos  ames,  ne  pourroyent  parvenir  iusques  a  nous,  sinon  que  Iesus  Christ  en  fust  comme  le  canal,  et  que  par  son  nom  nous  en  fussions  faits  participans.  Notons  bien  donc  que  la  porte  est  close  a  tous  les  benefices  de  Dieu  et  a  tout  ce  qui  concerne  le  salut  de  nos  ames,  sinon  que  Iesus  Christ  eu  soit  le  moyen.  Il  est  vray  que  les  incredules  boyvent  et  mangent  et  gourmandent  tant  et  plus:  le  soleil  luira  sur  eux:  mais  quoy  qu'il  en  soit,  si  est-ce  qu'ils  ne  iouissent  pas,  a  parler  proprement,  de  tout  ce  que  Dieu  leur  donne,  pource  qu'ils  Pusurpent  sans  titre  legitime.  Car  le  monde  est  cree  pour  les  enfans  de  Dieu,  et  mesme  c'est  au  regard  du  chef,  qui  est  nostre  Seigneur  Iesus  Christ.  Brief,  ce  n'est  point  sans  cause  que  sainct  Paul  monstrant  comme  Dieu  s'est  eslargi  envers  nous,  dit  que  c'est  pource  qu'il  est  Pere  de  nostre  Seigneur  Iesus  Christ.  Mais  (comme  desia  nous  avons  touche)  il  n'est  pas  question  ici  de  boire  et  de  manger  :  mais  de  choses  beaucoup  plus  grandes  et  plus  precieuses:  c'est  que  Dieu  nous  a  adoptez  pour  ses  enfans.  Voila  donc  en  somme  ce  que  nous  avons  a  retenir.  Mais  pour  mieux  encores  faire  nostre  profit  de  ce  passage,  notons  que  c'est  pour  nous  retenir,  a  fin  de  ne  point  extravaguer  en  beaucoup  de  speculations,  quand  nous  cognoissons  Dieu,  Pere  de  nostre  Seigneur  Iesus  Christ.  Et  pourquoy?  Les  Papistes  auront  assez  ce  mot  de  Dieu  en  la  bouche:  ils  auront  aussi  le  mot  de  Iesus  Christ:  mais  cependant  ils  ont  transfigure  Iesus  Christ  et  ont  du  tout  falsifie  la  doctrine  de  son  Evangile,  en  laquelle  it  doit  estre  contemple.  Ils  ont  donc  un  Dieu:  voire  par  imagination  confuse:  et  cependant  ils  ne  le  cognoissent  point.  Et  de  faict,  ils  ne  scauroyent  definir  quel  Dieu  ils  servent  et  adorent,  non  plus  que  les  Turcs.  Et  nous  scavons  ce  que  dit  nostre  Seigneur  Iesus  Christ  au  4.  chap.  de  S.  Iean,  que  ceux  qui  n'ont  point  la  doctrine  pour  se  bien  reigler,  ne  scavent  qu'ils  adorent,  ils  se  forgent  tousiours  des  idoles.  Il  n'y  a  donc  qu'un  seul  moyen  pour  avoir  bonne  adresse  a  Dieu,  et  infaillible,  c'est  que  nous  le  contemplions  en  son  image  vive,  car  sa  maieste  est  trop  haute,  et  trop  cachee,  et  trop  profonde  pour  nous:  mais  Iesus  Christ  s'est  communique  et  accommode  a  nostre  foiblesse  et  nous  a  enseigne  ce  qui  estoit  requis  de  cognoistre  pour  parvenir  a  Dieu  son  Pere.  Voila  donc  comme  nous  devons  avoir  nostre  Seigneur  Iesus  Christ  pour  nostre  voye,  a  fin  de  ne  point  errer.  Car  puis  que  Dieu  est  Pere  de  nostre  chef  et  de  celuy  qui  s'est  uni  a  nous,  voila  comment  nous  pourrons  avoir  acces  pour  venir  privement  a  luy:  et  sans  ce  Mediateur,  il  est  certain  que  nous  en  sommes  tous  forclos,  et  la  maieste  de  Dieu  nous  doit  faire  dresser  les  cheveux  en  la  teste:  mais  quand  nous  cognoissons  qu'il  s'est