50:256  spicuum  fiet  ex  aliis  vitiis,  carnem  in  illo  dominari.  Quod  de  omnibus  illis,  quos  nominavi,  promptum  est  videre.  23.  Adversus  eiusmodi.  Quidam  intelligunt  simpliciter,  legem  adversus  bona  opera  non  esse  latam:  quia  ex  malis  moribus  natae  sint  bonae  leges.  Sed  Paulus  altiore  et  magis  recondito  sensu  hoc  dicit:  nempe  quod  ubi  regit  spiritus,  lex  non  habeat  amplius  imperium.  Nam  Dominus  corda  nostra  formando  in  suam  iustitiam  liberat  nos  a  legis  rigore,  ut  non  agat  nobiscum  ex  eius  pacto,  nec  conscientias  nostras  sub  reatu  teneat.  Lex  interea  officium  suum  facere  non  desinit  docendo  et  exhortando:  sed  spiritus  adoptionis  a  subiectione  liberat.  Atque  ita  pseudoapostolos  subsannat,  qui  legis  subiectionem  urgendo,  non  magis  ad  solvendum  eius  iugum  tendebant:  quod  fieri  docet  Paulus,  dum  imperium  spiritus  Dei  obtinet:  unde  sequitur,  nullam  spiritualis  iustitiae  illis  fuisse  curam.  24.  Qui  autem  Christi  sunt.  Hoc  addit  ut  ostendat  libertatem  pertinere  ad  omnes  Christianos,  quia  renuntiaverint  carni.  Caeterum  monet  Galatas,  quis  verus  sit  christianismus  quod  ad  vitam:  ut  ne  falso  profiteantur  se  Christianos.  Verbo  c  r  u  c  i  f  i  g  e  n  d  i  usus  est  ut  notaret  mortificationem  carnis  esse  crucis  Christi  effectum.  Neque  enim  proprium  hoc  est  hominis  opus,  sed  inserimur  Dei  gratia  in  societatem  mortis  Christi,  ut  nobis  amplius  non  vivamus,  Rom.  6,  5.  Tum  ergo  filiorum  Dei  privilegio  fruemur,  si  consepulti  cum  Christo  simus  vera  nostri  abnegatione  et  veteris  hominis  interitu.  Non  quia  penitus  adhuc  interierit  caro,  sed  quia  regnum  exercere  non  debeat:  quin  potius  spiritui  cedere.  Caro  et  c  o  n  c  u  p  i  s  c  e  n  t  i  a  e  eius  pro  radice  et  fructibus.  Caro  enim  ipsa  est  naturae  corruptae  vitiositas,  unde  mala  omnia  prodeunt.  Iam  apparet  iniuriam  fieri  Christi  membris,  si  legi  adhuc  mancipantur,  a  qua  soluti  sunt  quicunque  spiritu  eius  sunt  regeniti.  25.  Si  vivimus  spiritu,  lam  more  suo  Paulus  ex  doctrina  elicit  exhortationem.  Mors  carnis  est  vita  spiritus.  Quod  si  spiritus  Dei  in  nobis  vivit,  actiones  omnes  gubernet.  Nam  semper  multi  erunt,  qui  impudenter  iactent  se  vivere  spiritu  :  sed  Paulus  eos  revocat  a  verbis  ad  rei  probationem.  Quemadmodum  enim  anima  non  vivit  otiosa  in  corpore,  sed  motum  et  vigorem  membris  et  partibus  singulis  distribuit:  ita  nec  spiritus  Dei  in  nobis  esse  potest  quin  exserat  se  per  externos  effectus.  Ergo  per  vitam  interior  vis:  per  incessum  externae  actiones  hic  intelliguntur.  Nam  hoc  vult  Paulus,  opera  esse  testimonia  spiritualis  vitae.  Usitata  est  metaphora  in  verbo  ambulandi.  26.  Ne  simus  inanis  gloriae.  Speciales  exhortationes,  quae  Galatis  erant  necessariae,  sed  non  minus  etiam  nostro  tempori  congruunt.  Multorum  malorum  quum  in  tota  hominum  societate,  tum  prae-