5:256  qui  videant,  ac  illis  se  ideo  abstineant,  satis  multi  reperiantur:  qui  vero  fateantur,  quanta  scateat  abominatione  missae  cultus,  vel  ab  eo  sese  plane  extricare  ausint,  perpaucos  offendas:  sive  terrore  occaecati  verum  non  cernunt,  sive  animi  deiectione  magis  et  languore,  quam  mentis  errore,  labuntur.  Quamobrem  sic  existimo,  [pag.  21  ]  totam  praesentem  causam  solo  hoc  capite,  quodammodo  contineri,  hac  ut  hallucinatione  discussa,  qua  maxime  perstringuntur,  de  reliquis  partibus,  in  quibus  non  ita  graviter  caecutiunt,  ultro  mihi  sint  omnes  concessuri.  Omnes,  intelligo  tui  similes,  qui  sancto  Dei  verbo  parere  auscultareque  didicerint:  quales,  ut  sum  praefatus,  tecum  hic  docendos  suscipio.  Quale  ergo  sit  istud,  ne  sacrosancta1)  missae  maiestas  ludibrio  tibi  despectuique  esse  videatur,  eius  peragendis  mysteriis  interesse,  atque  adorantis  ritu  inter  eorum  cultores  stare,  paululum  perpendamus.  Primum  omnium  tametsi  quid  missa  ipsa  sit,  non  ignorant  quicunque  vel  mediocri  Dei  cognitione  sunt  imbuti:  id  tamen  ipsum  quod  norunt,  ut  probe  teneant,  mihi  sunt  monendi.  Siquidem  bonam  eorum  partem  ex  eo  labi  video,  quod  totam  eius  vim  quum  domi  luculenter  meditatam  habeant,  ad  ipsam  dum  accedunt,  quam  horrendae  tragoediae  futuri  spectatores  veniant,  obliviscuntur.  Verum  ne  longam  ac  alte  repetitam  disputationem  ordiri  mihi  necesse  sit,  de  missae  sacrilegiis  ad  Institutionem  nostram  lectores  mittam:  ubi  satis  explicate  pro  operis  duntaxat  brevitate,  expediisse  me  arbitror,  quum  universum  eum  locum,  tum  quidquid  ex  eo  huc  pertinebit.  Tantum  dico,  quod  fidelium  neminem  latere  debet  unum  sacrificii  nomen  (ut  ipsum  quidem  missarii  sacrifici  accipiunt)  et  Christi  crucem  prorsus  abolere,  et  sanctam  eius  coenam,  in  qua  mortis  suae  memoriam  consecravit,  evertere.  Nam  et  sua  gloria,  ut  scimus,  Christi  mors  penitus  spoliatur,  nisi  unicum  habetur  aeternumque  sacrificium:  et  si  ullum  adhuc  sacrificium  restat,  tota  corruit  atque  a  radice  labefactatur  Christi  coena:  quae  non  aliud  est,  quam  unicae  illius  oblationis  testimonium,  et  quaedam  veluti  obsignatio.  Haec  autem  duo,  quae  ita  continenter  missae  sunt  affixa,  ut  avelli  ab  ea  nullo  modo  queant,  si  sola  essent,  quibus  omnem  missae  communicationem  facere  tibi  exsecrabilem  conarer:  quid  posses,  nisi  uno  mecum  ore  ipsam  detestari?  Quid  enim?  An  tu,  cui  nulla  alia  in  re  quam  in  Christi  cruce  gloriari  licet,  quum  ad  exstinguendam  eius  gloriam,  ad  concidendum  evertendumque  eius  testimonium  coniuratos  convenisse  videas,  illis  te  socium  adiungas?  Atqui  si  recto  oculo  rem  intueri  volumus,  quid  aliud,  quam  ad  talis  coniurationis  so-  1)  Edd.  reco.  1576  seqq.  legunt,  sacrosanctae  (la  sainte  maieste  d'icelle  G.).