49:256  nos  debet  ne  torpeamus  in  terra.  Caeterum  paulo  post,  ubi  iubet  tanquam  interdiu  in  Ime  ambulare,  eandem  metaphoram  non  continuat,  quia  praesentem  statum  diei  confert,  in  quo  nobis  affulget  Christus.  Sed  diversis  modis  nunc  ad  futurae  vitae  meditationem,  nunc  ad  reverentiam  conspectus  Dei  hortari  nos  voluit  13.  Non  comessationibus,  ete.  Tria  vitiorum  genera  hic  posuit,  quorum  unumquodque  designavit  duobus  nominibus:  intemperiem  et  luxuriem  in  victu:  libidinem  veneream  et  quae  ei  coniunctae  sunt  spurcitiae:  invidiam  et  contentionem.  Si  haec  tantum  in  se  turpitudinis  habent,  ut  ea  perpetrare  carnales  quoque  homines  in  hominum  oculis  pudeat,  nos  ab  iis  perpetuo  abstinere  convenit,  qui  in  luce  Dei  versamur,  etiam  quum  ab  hominum  conspectu  sumus  subducti.  In  tertio  iugo  quamquam  aemulationem  contentio  praecedit,  dubium  tamen  non  est  quin  Paulus  monere  voluerit,  ex  hoc  fonte  emergere  lites  et  certamina:  quia  dum  quisque  eminere  appetit,  alii  aliis  invident  Utriusque  vero  mali  causa  est  ambitio.  14.  Sed  induamini  Iesum  Christum,  ete.  Metaphora  haec  valde  ��st  scripturis  usitata  in  iis  rebus,  quae  ad  hominem  vel  ornandum  vel  deformandum  faciunt:  quorum  utrumque  in  vestimentis  cernitur.  Nam  et  foeda  laceraque  vestis  hominem  dehonestat,  et  decora  puraque  multum  illi  conciliat  gratiae.  Induere  autem  Christum  hic  significat,  virtute  spiritus  eius  undique  nos  muniri  qua  idonei  ad  omnes  sanctitatis  partes  reddamur.  Sic  enim  instauratur  in  nobis  imago  Dei,  quae  unicum  est  animae  ornamentum.  Respicit  enim  Paulus  ad  vocationis  nostrae  finem,  quia  Deus  nos  adoptans  in  corpus  unigeniti  filii  sui  inserit,  et  quidem  hac  lege  ut  nos  abdicantes  priore  vita  fiamus  in  ipso  novi  homines.  Quare  etiam  alibi  fideles  dicit  Christum  induere  in  baptismo.  Et  carnis  curam.  Quamdiu  carnem  nostram  circumferimus,  eius  curam  non  possumus  in  totum  abiicere:  sic  enim  in  coelis  est  conversatio  nostra,  ut  in  terra  peregrinemur.  Curanda  sunt  igitur  quae  ad  corpus  pertinent,  sed  non  aliter  quam  peregrinationis  adminicula,  non  autem  ut  patriae  nos  oblivisci  faciant.  Dixerunt  etiam  profani  homines,  naturae  pauca  sufficere:  appetitus  vero  hominum  esse  inexplebiles.  Necesse  ergo  est,  quisquis  carnis  suae  desideriis  satisfacere  cupit,  non  modo  diffluere,  sed  in  vastum  et  profundum  gurgitem  immergi.  Paulus  desideriis  fraenum  iniiciens  hanc  omnis  intemperantiae  causam  esse  admonet,  quod  nemo  sobrio  vel  legitimo  usu  contentus  est.  Ideo  statuit  hunc  modum,  ut  serviamus  necessitati  carnis  nostrae,  non  libidini  indulgeamus.  Ita  fiet  ut  praesenti  sacculo  utamur  tanquam  non  utentes.