20:256  Puto  ego  nobis  absque  intermissione  orandum  esse  contra  huiusmodi  adversarios  nostros  Davidis  psalmum:  Eripe  me  Domine  ab  homine  malo  et  a  viro  iniquo  serva  me  ete.  Qualesquales  tamen  illi  sint,  defendenda  erit  nobis  contra  eos  sancta  veritas.  Satis  est  si  causa  simus  superiores,  licet  inferiores  multo  loquacitate  et  maledictis.  Dominus  tandem  evertet  illos.  Mortuus  est  Castellio,  atque  utinam  cum  ipso  mortuae  essent  fanaticae  opiniones  plurimae.  Quidam  homo  ineptus  scripsit  ei  epitaphium.2)  Verum  talibus  encomiastis  digna  sunt  talia  ingenia.  Pungit  vos  atque  Genevam.  Utinam  illi  interea  caput  scalpere  libuisset.  Irascor  Oporino  qui  huiusmodi  naenias  imprimit.  Sed  dulce  lucrum  ex  re  qualibet.  Laudetur  Castellio  ex  paupertate.  Fuit  is  pauper  ut  solent  monachi,  qui  nihil  habent  et  tamen  omnia  possident.  Dicebat  Gualtherus  noster:  Aut  ille  indignus  fuit  meliore  stipendio,  aut  si  vir  bonus  fuit  et  magistratus  stipendium  ei  non  auxit,  sed  egere  permisit,  ingratus  sane  et  iniquus  est  talis  magistratus.  Hae  sunt  laudes  istorum,  prope  dixissem  asinorum.3)  Gaudeo  meliuscule  valere  D.  Calvinum.  Gratulare  illi  meo  nomine  et  saluta  eum.  Dominus  illum  nobis  diu  servet  incolumem.  Spero  Deum  sua  potentia  servaturum  vatem  vestrum,  utut  insaniant  et  frendant  dentibus  adversarii.  Contra  nos  quoque  aiunt  iam  armari  nescio  quot  gentes.  Sed  si  Dominus  erit  nobiscum  facile  servabimur  ab  hostibus  nostris  .  Tiguri  13.  Febr.  1564.  Bullingerus  tuus.  2)  Hoc  aliud  videtur  fuisse  atque  illud  quod  tres  Poloni  Stan.  StarsiechowsJci,  Io.  Ostrorog  et  Georgius  Niemsta  lapidi  insculpi  curarunt  in  peristylio  summi  templi  Basileensis.  In  hoc  enim  nihil  de  etus  paupertate  neque  contra  adversarios.  Etiam  illa  quae  edidit  Maehly  p.  148  nihil  tale  continent.  {Cf.  Gerdes,  Ital.  ref.  p.  216  Mahly  p.  80.)  Videtur  fuisse  charta  ab  Oporino  impressa  quae  dicitur  recusa  ad  calcem  editionis  cuiusdam  Dialogorum  Castellionis  sec.  Baylium.  Cf.  N.  4070.  3)  O  pudendam  et  tristem  tantorum  virorum  m  miserum  illum  et  saeculo  suo  superiorem,  iam  et  mortuwn  Castel-  Mortem  insectationem  !  Qui  rabie  sua  theologica  adeo  incensi  sunt  ut  ne  id  quidem  animadvertant,  suis  telis  ipsum  peti  magistratum  Basileensem,  dum  Calvinus  innocentem  furti  accusare  non  dubitavero^.