10.1:256  celuy  ou  celle  qui  sest  ainsy  retire  doibt  avoir  le  soing  de  solliciter  sa  partie  iusques  a  ce  quon  trouve  cause  evidente  de  divorse.  Ceulx  qui  sont  ainsi  separez  doibvent  vivre  en  viduite.  Quant  a  celuy  ou  celle  qui  ont  des  parties  adulteres,  sinon  que  le  crime  se  puisse  veriffier,  il  leur  convient  user  de  patience,  car  le  divorce  ne  se  peult  faire  pour  tel  cas  sans  cognoissance  de  cause.  Or  quelque  iniquite  quil  y  ait  aux  iuges  si  le  crime  est  notoire  si  est  ce  que  la  partie  offencee  pourra  faire  prendre  information  pour  le  veriffier.  Et  si  en  iugement  contradictoire  quon  appelle,  cestadire  aiant  ouy  le  delinquant,  ladultere  se  prouve  encores  que  sentence  ne  soit  point  donnee,  une  eglise  chrestienne  pourra  recevoir  a  mariage  celuy  ou  celle  qui  produira  tel  proces,  aultrement  non.  Sur  le  second  article  ou  il  est  demande  des  acoustremens  de  dueil.  Ie  ny  trouve  pas  grand  scrupule,  car  premierement  la  chose  de  soy  nest  pas  tellement  illicite  quon  ne  la  puisse  supporter  comme  daultres  infirmitez  dune  police  mondaine.  Et  pource  quil  nest  pas  precisement  requis  de  sabstenir  de  telles  choses  quant  il  y  en  peult  advenir  scandalle  murmure  ou  fascherie,  trop  grande  rigueur  et  austerite  en  cest  endroict  ne  semble  pas  bonne.  Cependant  que  chacun  soit  adverty  et  exhorte  de  retrencher  toutes  pompes  superfluitez  et  beaucoup  de  menus  fatras,  tellement  que  chacun  puisse  voir  et  discerner  que  ceulx  qui  ont  proffite  en  escolle  de  Dieu  ne  prennent  point  plaisir  a  telle  chose  mais  seulement  quilz  en  usent  par  acquict  pour  se  conformer  a  la  coustume.  Sur  le  3e  article  scavoir:  si  on  peult  demander  la  confiscation  de  ceulx  qui  sont  persecutez,  en  faveur  deulx  ou  des  leurs.  Il  est  certain  que  cela  ne  se  peult  faire  sans  offence.  Car  les  lettres  quon  obtiendra  en  ce  cas  contiendront  blasphemes  mani-