8:255  255-256  DE  AETERNA  DEI  PRAEDESTINATIONE.  256  quam  fides  in  Christum,  palam  oblatis  evangelii  promissionibus  contenta,  sic  nimis  crassi  stuporis  est,  non  agnoscere,  apertos  esse  nobis  mentis  oculos  a  Deo:  quia  nondum  in  utero  conceptos  elegit,  ut  fideles  essemus.  Fuisse  autem  hoc  impuro  nebuloni  propositum,  ut  non  modo  notitiam  electionis  deleret  ex  hominum  animis,  sed  eius  quoque  virtutem  prorsus  everteret,  ex  eius  deliriis  quae  in  actis  publicis  habetis  eius  manu  scripta  diserte  liquet:  ubi  asserit,  fidem  ab  electione  non  pendere,  quin  potius  electionem  esse  in  fide  sitam:  nullos  in  caecitate  manere  ob  ingenitam  naturae  corruptionem,  quia  rite  omnes  illuminentur  a  Deo:  nos  Deo  facere  iniuriam,  quia  deseri  tradimus,  quos  spiritus  sui  illuminatione  [pag.  7]  non  dignatur:  trahi  generaliter  et  ex  aequo  omnes  homines,  nec  discrimen  nisi  a  contumacia  incipere  :  quum  Deus  se  ex  lapideis  cordibus  carnea  facturum  promittit,  nihil  aliud  intelligi,  quam  ut  gratiae  Dei  simus  capaces,  idque  promiscue  ad  totum  genus  humanum  extendi,  quum  singulare  ecclesiae  privilegium  esse  scriptura  dilucide  affirmet  Quantum  ad  Dei  providentiam,  qua  mundus  regitur:  inter  pios  omnes  fixum  hoc  et  confessum  esse  debet,  non  esse  cur  suis  peccatis  socium  homines  Deum  ascribant,  vel  ullo  modo  secum  involvant  ad  partem  culpae  sustinendam:  sed  quum  scriptura  doceat,  reprobos  quoque  irae  Dei  esse  organa,  quibus  partim  fideles  suos  erudiat  ad  patientiam,  partim  hostibus  poenas  infligat,  quales  merentur,  profanus  nugator  nihil  a  Deo  iuste  fieri  contendit,  nisi  cuius  ratio  sub  oculis  posita  iaceat  Omne  enim  discrimen  inter  causas  remotas  et  propinquas  tollens,  aerumnas  sancto  Iob  impositas  Dei  opus  censeri  non  patitur,  quin  pariter  cum  diabolo,  Chaldaeis  et  Sabaeis  latronibus  reus  fiat.  Quod  autem  itio  praeterito,  cum  duobus  aliis,  Alberto  Pighio  et  Georgio  Siculo,  congressi  sumus:  id  duplici  nomine  expedire  nobis  [pag.  8]  visum  est  Nam  quum  indoctus  rabula  nihil  proferret,  nisi  ex  duabus  istis  lacunis  haustum,  adeoque  male  dicta  in  deterius  raperet,  nimis  frigidum  cum  eo  fuisset  certamen.  Uno  exemplo  contenti  sint  lectores.  Quibus  cavillis  Pighius  et  Georgius  primum  ad  Ephesios  caput  obscurent,  suo  loco  ostensum  est  Atque  insulse  quidem  illi,  sed  foedior  huius  inscitia,  qui  non  erubuit  in  curia  vestra,  et  illo  verendo  consessu  effutire,  et  quod  temere  effutiverat,  pertinaciter  tueri:  Non  tractari  illic  de  communi  piorum  salute,  sed  quod  Paulus  et  reliqui  collegae  in  munus  apostolicum  electi  fuerint  Ac  tam  futile  quidem  commentum  extemplo,1)  sicuti  memoria  tenetis,  refellere  promptum  fuit:  Si  qui  se  tali  magistro  discipulos  addicerent,  nimis  infaustam  theologiam  discere,  quae  nos2)  omnes  vitae  aeternae  fiducia  privaret,  quando  soli  apostoli  divinae  adoptionis  compotes,  et  Deo  per  Christum  reconciliati  et  benedicti,  et  in  societatem  sanctorum  asciti  essent  His  quidem  in  re  praesenti  fuit  locus,  sed  libro  edito  tam  insipidum  animal  refellere,  non  ita  forte  congrueret  Neque  vero  nos  latet  quantopere  sibi  placeat:  neque  mirum  est,  in  eo,  qui  abiecta  monachi  cuculla  repente  medici  personam  [pag.  9]  induit,  tantum  esse  audaciae,  sed  in  eius  gratiam  cum  multorum  fastidio  ineptire  a  modestia  nostra  alienum  fuit  Deinde,  quoniam  duo  illi  noti  sunt  ac  professi  evangelii  hostes,  alter  etiam  Calvinum  nominatim  aggressus  bellum  nobis  et  huic  ecclesiae  indixerat,  impiae  doctrinae  venenum  publice  libris  excusis  sparsum  purgare  consultius  visum  est,  quam  naenias  vulgando,  quae  melius  latent,  importune  fatigare  hominum  aures,  supervacuis  certaminibus  iam  plus  satis  vexatas.  Faxit  Dominus  Deus,  Magnifici  et  praestantes  viri,  ut  quod  hactenus  magna  cum  laude  fecistis,  indefessi  ad  extremum  usque  puram  evangelii  doctrinam,  quae  tam  infesta  mundi  violentia  undique  pulsatur,  fide  praesidioque  vestro  tueri  pergatis:  et  pios  omnes,  qui  se  in  patrocinium  vestrum  conferunt,  hospitio  excipere  non  desinatis:  quo  sit  urbs  vestra  inter  horribiles  istos  motus  fixum  Deo  sanctuarium,  et  fidele  Christi  membris  asylum.  Ita  etiam  fiet,  ut  eum  perpetuum  salutis  vestrae  praesidem  sentiatis:  et  quod  illi  sacratum  erit  domicilium,  eius  virtute  tutum,  nunquam  labascat  Calendis  Ianuar.  M.  D.  LII.  1)  exemplo  Beza,  Amst  ^t  Niem.  {GaUus:  sur  le  champ).  2)  non  omnes,  iidem.