55:255  255  EPIST.  PETRI  I  256  ingenium.  Scimus  enim  quam  importunum  sit  animal  imperiosa  et  refractaria  mulier.  Deinde  nihil  ad  corrigendam  vanitatem,  de  qua  Petrus  loquitur,  aptius  est  quam  placida  quies  spiritus.  Quod  postea  sequitur  pretiosum  id  esse  coram  Deo,  tam  ad  totum  complexum,  quam  ad  nomen  spiritus  referri  potest:  idem  tamen  manebit  sensus.  Unde  enim  mulieribus  tanta  se  ornandi  cura,  nisi  ut  in  se  hominum  oculos  convertant?  Petrus  autem  contra  magis  sollicitas  esse  iubet  ut  in  pretio  sint  apud  Deum.  5.  Sic  enim  aliquando  et  sanctae  mulieres,  quae  sperabant  in  Deum,  ornabant  se  ipsas,  subiectae  propriis  maritis:  6.  quemadmodum  et  Sara  obediebat  Abrahae,  dominum  ipsum  appellans,  cuius  filiae  estis  factae,  si  benefeceritis,  et  non  terreamini  ullo  pavore.  Piarum  mulierum  exemplum  illis  proponit,  quae  spiritualem  potius  ornatum  sectatae  sint,  quam  externi  coitus  lenociniis  deditae  fuerint.  Saram  vero  prae  aliis  nominat:  quae  quum  fidelium  omnium  sit  mater,  praesertim  apud  suum  sexum  honore  et  imitatione  digna  est.  Porro  iterum  ad  subiectionem  redit,  eamque  confirmat  Sarae  exemplo:  quae  (ut  habetur  apud  Mosem)  maritum  vocabat  dominum  (Gen.  18,  12).  Non  moratur  quidem  Deus  istos  titulos:  et  fieri  interdum  potest,  ut  quae  maxime  petulans  fuerit  et  immorigera,  hanc  appellationem  lingua  usurpet:  sed  intelligit  Petrus,  Saram  ita  loqui  solitam  esse,  quia  hanc  sibi  legem  a  Domino  impositam  esse  noverat,  ut  viro  subesset.  Subiicit  Petrus,  filias  eius  fore,  hoo  est,  locum  inter  fideles  habituras,  quae  eius  probitatem  imitatae  fuerint.  6.  Et  non  terreamini.  Sexus  imbecillitas  facit  ut  magis  suspiciosae  ac  timidae  sint  mulieres,  ideoque  magis  morosae:  quia  verentur  ne,  si  viris  se  subiiciant,  magis  contumeliose  ab  illis  tractentur.  Huc  respicere  videtur  Petrus,  quum  vetat  ne  turbentur  ullo  pavore.  Ac  si  diceret:  Libenter  subiicite  vos  virorum  imperio,  nec  vos  timor  ab  obsequio  impediat,  quasi  deterior  futura  sit  vestra  conditio,  si  patientes  sitis.  Posset  magis  generalis  esse  sententia,  Ne  turbas  domi  concitent.  Nam  ut  sunt  ad  consternationem  proclives,  saepe  ob  rem  frivolam  tumultuantur,  seque  et  familiam  frustra  turbant.  Alii  putant  in  genere  corrigi  mulierum  timiditatem,  quae  fidei  contraria  est:  quasi  Petrus  eas  hortetur  ad  obeundam  forti  et  intrepido  animo  suam  vocationem.  Mihi  tamen  prima  expositio  magis  .placet:  quamquam  ab  hac  postremo  non  multum  differt.  7.  Viri  similiter  cohabitent  secundum  scientiam,  tanquam  infirmiori  vasi  muliebri  impertientes  hono-