51:255  255  SERMON  I  256  necessite  de  beaucoup  de  choses.  Voila  en  somme  ce  que  nous  avons  a  retenir  de  ce  passage.  Maintenant  devant  que  venir  au  reste,  notons  que  ce  mot  de  Benediction,  se  prend  en  divers  sens,  quand  S.  Paul  l'applique  ou  a  Dieu  ou  a*  nous.  Il  est  dit  que  nous  benissons  Dieu.  Et  comment?  comme  il  nous  benit  ?  Et  Dieu  en  quelle  sorte  nous  benit-il  ?  Nous  ne  le  benissons  pas  comme  il  nous  benit  :  il  s'en  faut  beaucoup.  Car  i'ay  desia  allegue  du  Pseaume  16,  que  tous  nos  services  ne  luy  peuvent  profiter  de  rien  :  et  puis  il  nous  faut  conclure  (comme  i'ay  aussi  allguee  de  l'autre  Pseaume  116)  que  tout  ce  que  nous  pouvons  apporter  a  Dieu,  c'est  ceste  protestation  que  nous  tenons  tout  de  luy  ce  que  nous  avons  de  biens  Voila  donc  quelles  sont  nos  benedictions,  c'est  de  rendre  a  Dieu  sacrifices  de  louange.  Voila  pour  un  item.  Or  maintenant,  quand  Dieu  nous  benit,  est-ce  seulement  de  paroles?  Nenni:  mais  c'est  pource  qu'il  nous  remplit  et  nous  eslargit  (entant  que  besoin  est)  ce  qui  nous  defaut.  Et  ce  mot  de  Benediction,  pourquoy  estce  qu'il  luy  est  ainsi  attribue?  Pource  qu'il  ne  faut  pas  qu'il  travaille,  ne  qu'il  mette  beaucoup  de  peine  pour  aider  les  siens  et  pour  leur  donner  ce  qu'il  cognoist  leur  estre  utile.  Quand  il  a  dit  le  mot,  c'est  a  dire,  qu'il  a  declare  sa  volonte,  la  chose  est  faite.  D'autant  donc  que  Dieu  qui  a  cree  le  monde  par  sa  seule  parole,  a  aussi  la  vertu  de  nous  bien  faire,  seulement  en  le  promettant:  voila  pourquoy  il  est  dit  que  nous  sommes  riches  de  sa  seule  benediction,  c'est  a  dire,  quand  il  monstre  qu'il  nous  est  propice  et  favorable.  Maintenant  regardons  si  nous  sommes  excusables  quand  Dieu  est  fraude  de  nous,  quand  nous  ne  daignons  pas  ouvrir  la  bouche  pour  confesser  combien  nous  sommes  tenus  et  obligez  a  luy,  apres  que  nous  aurons  receu  tant  de  biens  de  sa  main.  Qu'on  mette  en  balance  toutes  les  benedictions  que  peuvent  apporter  tous  les  hommes  du  monde  a  Dieu,  et  la  benediction  de  laquelle  il  les  enrichit:  qui  vaudra  mieux?  Tout  ce  qu'ils  pourront  mettre  en  avant,  c'est  qu'il  faut  qu'ils  confessent  qu'ils  ne  peuvent  dire  ne  faire  chose  qui  vaille:  et  cependant  Dieu  nous  monstre  qu'il  a  tout  ce  qui  est  requis  a  nostre  felicite.  Ce  n'est  point  donc  sans  cause  que  S.  Paul  dit  ici,  que  les  fideles  doyvent  du  tout  vaquer  et  appliquer  leur  sens  et  estude  a  benir  le  nom  de  Dieu:  puis  qu'ainsi  est  qu'il  leur  en  donne  si  ample  occasion,  ou  qu'ils  sont  du  tout  ingrats  et  vileins.  Il  dit  donc  deux  choses,  Le  pere  de  nostre  Seigneur  Iesus  Christ,  qui  nous  a  lenit  en  Christ  Quand  il  dit  Dieu  et  Pere  de  Iesus  Christ,  il  nous  faut  ainsi  resoudre  cela:  c'est  que  le  Dieu  que  nous  sentons  si  favorable  envers  nous,  est  Pere  de  nostre  Seigneur  Iesus  Christ.  Ceste  circonstance  est  bien  a  noter.  Car  sainct  Paul  nous  advertit  que  les  biens  de  Dieu,  et  surtout  ceux  qui  appartiennent  a  la