50:255  255  EPIST.  PAULI  AD  GALATAS  256  pere  abominatur?  Verum  ita  praecidi  omnibus  videtur  spes  salutis.  Nam  quotusquisque  est  qui  non  istorum  vitiorum  aliquo  laboret?  Respondeo,  Paulum  non  omnibus,  qui  peccaverint,  minari  abdicationem  a  regno  Dei,  sed  qui  tales  manent  absque  poenitentia.  Sancti  quoque  interdum  graviter  laborant,  sed  in  viam  redeunt.  Non  ergo  in  hoc  catalogo  censentur:  quia  non  sibi  indulgent.  Denique  omnes  divini  iudicii  minae  ad  resipiscentiam  nos  vocant,  "cui  semper  apud  Deum  parata  est  venia:  sed  in  testimonium  nobis  cessurae  sunt,  si  manemus  obstinati.  Pro  verbo  possidendi  apud  Paulum  est  xX7]povo{ieTv,  quod  est  haereditario  iure  consequi.  Neque  enim  alio  quam  adoptionis  iure,  vitam  aeternam  obtinemus:  ut  alibi  visum  est.  22.  Fructus  vero  spiritus  est  caritas,  gaudium,  pax,  tolerantia,  comitas,  benignitas,  fides,  23.  mansuetudo,  temperantia.  Adversus  eiusmodi  non  est  lex.  24.  Qui  autem  Christi  sunt,  carnem  crucifixerunt  cum  affectibus  et  concupiscentiis.  25.  Si  vivimus  spiritu,  etiam  spiritu  ambulemus.  26.  Ne  simus  inanis  gloriae  cupidi,  invicem  provocantes,  invicem  invidentes.  22.  Fructus  vero.  Sicuti  prius  totam  hominis  naturam  damnavit,  quia  nullos  nisi  vitiosos  ac  reprobos  fructus  proferat  :  ita  nunc  omnes  virtutes,  honestos  et  bene  compositos  affectus  a  spiritu  prodire  docet:  hoc  est,  a  gratia  Dei  et  renovatione,  quam  habemus  a  Christo.  Perinde  igitur  est  ac  si  dixisset,  nihil  ab  homine  nisi  malum,  nihil  boni  nisi  a  spiritu  sancto.  Tametsi  enim  saepe  in  hominibus  non  regenitis  exstiterunt  illustria  mansuetudinis,  fidei,  temperantiae,  liberalitatis  exempla:  certum  est  tamen,  fallaces  duntaxat  fuisse  larvas.  Est  praeclara  quaedam  virtus  in  Curio,  in  Fabricio,  in  Catone  temperantia,  in  Scipione  comitas  et  liberalitas,  in  Fabio  tolerantia:  sed  in  hominum  conspectu  modo,  sed  civili  tantum  aestimatione.  Apud  Deum  vero  nihil  purum,  nisi  ex  fonte  omnis  puritatis.  Gaudium  hic  accipio,  non  ut  14,  17  ad  Romanos:  sed  pro  hilaritate  quam  erga  proximos  exhibemus,  quae  sit  morositati  contraria:  sic  et  fidem  pro  veritate,  ut  opponatur  astutiis  et  fraudibus  et  mendacio.  Pacem  oppono  rixis  et  contentionibus.  T  o  l  e  r  a  n  t  i  a  est  animi  mansuetudo,  qua  fit  ut  omnia  boni  consulamus,  non  simus  statim  irritabiles.  Reliqua  clara  sunt.  Nam  fructus  describit  unde  patefiat  qualis  sit  cuiusque  animus.  Quid  ergo,  dicet  quispiam,  de  impiis  et  idololatris  iudicii  fiet,  qui  eximia  virtutum  specie  enituerunt?  Nam  ab  operibus  spirituales  apparent.  Respondeo,  quemadmodum  non  omnia  carnis  opera  in  homine  carnali  conspicua  sunt,  sed  carnales  se  esse  produnt  noc  vel  illo  vitio:  ita  non  aestimandum  esse  hominem  spiritualem  ab  una  virtute.  Nam  interea  per-