5:255  EPISTOLA  L  quemque  sanctificantes,  qui  non  illis  aliquid  in  os  dederit.  Hanc,  inquam,  accipiendam  esse  excusationem  nego.  Quid  enim  diplomata  illa,  quorum  te  gratiam  appetere  simulas?  An  non  edita  voce  clamant,  ut  nummis  relictis  plenas  anathemate  atque  omni  exsecratione  dignas  indulgentias  tibi  auferas?  Hoc  qui  intelligunt  (nemo  autem  non  intelligit)  ac  nummum  te  offerre  vident  (videri  autem  nisi  cuperes,  non  faceres)  num  parum  luculentam  [pag.  20]  habent  abs  te  testificationem,  indulgentiarum  participatione  velle  te  uti  frui?  Atqui  earum  latebras  si  excusseris,  nusquam  prolixius  quam  illic  Christum  cum  sua  cruce  irrideri  comperies.  Aqua  denique  illa,  diabolicis  exorcismis  consecrata,  frontem  qui  aspergunt,  quam  omnino  frontem  habent,  ut  impune  id  licere  contendere  ausint?  Quid  enim  tali  sibi  aspersione  volunt?  an  ut  putidae  aquae  guttula  faciem  in  publico  emaculent?  an  ita  in  celebri  hominum  coetu  sine  causa  lascive  ludunt?  Neutrum  istorum  est,  nec  quidquam  simile.  Verum  spectantem  populum  eo  symbolo  attestantur,  exorcismi  sanctitatem  se  contemptui  non  habere.  Quo  simul  haud  dubie  omnes,  quae  ab  exorcismis  evomuntur,  blasphemias  obsignant:  virtutem  illi  aquulae  infusam  esse,  qua  1)  daemones  pellat,  curet  morbos,  abigat  phantasmata,  noxas  omnes  dissolvat.  Ac  ne  calumniose  me  criminari  sua  facta  queri  possint,  quae  procul  absint  ab  ea,  quam  illis  affingo,  impietate,  eorum  conscientiam  semper  appello,  eiusmodi  ritibus  dum  perfunguntur,  an  aliquid  minus,  quam  quod  reprehendo,  populo  persuadere  velint?  Illum  igitur  ipsum  populum,  cuius  satisfacere  iudicio  hic  student,  illis  iudicem  fero:  e  quo  nemo  erit,  qui  non  pronunciet,  idem  sibi  videri.  Iniquum  si  esse  dicant,  ad  hanc  se  exigi  regulam:  cum  apostolo,  cuius  istaec  est  severitas,  non  mecum,  expostulent.  Video  nullum  fore,  nec  mihi  dicendi  exitum,  nec  iis  finem  tergiversandi,  qui  repugnare  velint:  nisi  certa  una  in  re  constiterimus,  in  qua  planius  ac  penitus  evidenter,  id  quod  docere  volumus,  perspici  possit.  Sit  igitur  missa  nobis  exempli  loco,  in  quam  nisi  plusquam  iusto  iure  conferri  possit,  quidquid  de  idololatria  vel  scripturis  traditur,  vel  dici  potest,  quo  minus  caeremoniis  istis  omnibus,  a  quibus  tantopere  fugiendum  censeo,  velut  rebus  mediis  indifferenter  abutaris,  causam  non  dico.  Ipsam  autem  eligere  ex  omnibus  potissimum  libet:  quod  una  prae  omnibus  usque  adeo  sancta  observatione  colitur,  ut  quum  in  aliis  praetereundis  hominum  fallere  animadversionem  quoquo  modo  liceat,  hac  te  eximere,  quin  multorum  oculis  observeris,  haud  facile  queas.  Quo  fit,  ut  in  caeteris  quantum  insit  mali  1)  Edd.  rece.  1576  seqq.  quae  (par  laquelle  G-.).