47:255  255  IN  EVANGELIUM  IOANNIS  256  gratia  praeditum.  Scite  ergo  ratiocinantur  Christum  Ioanni  praeferendum  esse,  quia  hoc  nonnisi  certa  Dei  providentia  factum  fuerit,  ut  Ioannes  maximus  alioqui  propheta  nullo  tamen  miraculo  commendatus  esset:  unde  conficitur,  rationem  Christi  in  eo  fuisse  habitam,  ut  pluris  fieret.  Quaecunque  autem  dixerat.  Non  videtur  hoc  ab  illis  dictum,  sed  ab  evangelista  additum  esse,  ut  doceret  duplici  argumento  eos  fuisse  adductos  ut  in  Christum  crederent,  quia  re  ipsa  videbant  verum  esse  testimonium  quod  ei  Ioannes  reddiderat,  et  plus  illi  dignitatis  conciliabant  miracula.  CAPUT  XI.  1.  Aegrotabat  auiem  quidam  nomine  Lazarus  a  Bethania  castello  Mariae  et  Marthae  huius  sororis.  2.  Maria  autem  erat,  quae  unxit  Dominum  unguento  et  abstersit  pedes  eius  capillis  suis:  cuius  frater  Lazarus  aegrotabat.  3.  Miserunt  igitur  sorores  ad  ipsum  dicentes:  Domine,  ecce  quem  amas,  aegrotat.  4.  Iesus  autem  hoc  audito  dixit:  Haec  infirmitas  non  est  ad  mortem,  sed  pro  gloria  Dei,  ut  glorificetur  filius  Dei  per  ipsam.  5.  Diligebat  autem  Iesus  Martham  et  sororem  eius  et  Lazarum.  6.  Postquam  ergo  audivit  eum  aegrotare,  tunc  mansit  in  loco  ubi  erat  duos  dies.  7.  Deinde  post  hoc  dicit  discipulis:  Eamus  in  Iudaeam  iterum.  8.  Dicunt  ei  discipuli:  Rabbi,  nunc  quaerebant  te  Iudaei  lapidare,  et  rursum  vadis  illuc?  9.  Respondit  Iesus:  Nonne  duodecim  sunt  horae  diei?  si  quis  interdiu  ambulet,  non  offendit,  quia  lumen  mundi  huius  videt.  10.  Si  quis  autem  ambulet  noctu,  offendit,  quia  lumen  non  est  illi.  1.  Aegrotabat  autem  quidam.  Transit  ad  aliam  historiam  evangelista,  quae  miraculum  continet  imprimis  memorabile.  Praeterquam  enim  quod  Christus  in  suscitando  Lazaro  singulare  divinae  virtutis  specimen  edidit,  simul  vivam  imaginem  ante  oculos  posuit  futurae  nostrae  resurrectionis,  et  fuit  hic  quasi  postremus  actus  et  clausula:  iam  enim  mortis  tempus  appropinquabat.  Non  mirum  igitur  si  praecipue  gloriam  suam  in  eo  opere  illustraverit,  cuius  memoriam  suorum  animis  volebat  maxime  infixam  esse,  ut  quaedam  esset  superiorum  omnium  obsignatio.  Alios  Christus  mortuos  suscitaverat,  sed  nunc  in  putrido  cadavere  potentiam  suam  exserit.  Verum  circumstantiae,  quae  ad  celebrandam  in  hoc  miraculo  Dei  gloriam  faciunt,  suo  loco  et  ordine  notabuntur.  Quod  Lazarum  Bethaniensem  ex  castello  Mariae  ac  Marthae  fuisse  dicit,  probabile  est  fuisse  expressum,  quia  obscurior  inter  fideles  Lazari  fama  erat  quam  sororum.  Nam  sanctae  istae  mulieres  Christum  hospitio  excipere  solebant,  quem-