55:254  quantumvis  a  recta  fide  alieni,  dum  vident  ita  compositos  fidelium  mores.  Nam  quia  Christi  doctrinam  non  tenent,  eam  aestimant  ex  vita  nostra,  fieri  ergo  non  potest  quin  Christianismum  laudent,  qui  ad  puritatem  et  timorem  instituit.  3.  Quarum  ornatus.  Alterum  exhortationis  membrum:  ut  mulieres  parce  et  modeste  se  ornent.  Scimus  enim  in  hac  parte  plus  iusto  curiosas  esse  ac  cupidas:  quare  non  abs  re  Petrus  hanc  in  ipsis  vanitatem  corrigere  studet.  Tametsi  autem  sumptuosum  ornatum  in  genere  reprehendit:  species  tamen  quasdam  designat:  ne  capillos  arte  crispent  vel  torqueant,  ut  solebant  ad  eam  rem  calamistro  uti:  aut  alias  componant  in  cincinnos.  Deinde  ne  aurum  circumponant  capiti:  in  his  enim  praecipue  luxus  eminet��  Nunc  quaeritur  an  simpliciter  usum  auri  damnet  apostolus  in  ornatu  corporis.  Si  quis  verba  urgeat,  non  minus  pretiosas  vestes  quam  aurum  prohibet:  subiicit  enim  continuo  poet,  amictum  palliorum.  Atqui  immodici  rigoris  esset,  omnem  in  vestibus  nitorem  et  elegantiam  simpliciter  vetare.  Si  materia  nimis  sumptuosa  dicitur,  eam  Dominus  creavit.  Artificia  etiam  scimus  ab  ipso  prodiisser  Non  igitur  quemvis  cultum  reprehendere  voluit  Petrus:  sed  morbum  vanitatis,  quo  mulieres  laborant.  Duo  in  vestitu  spectanda  sunt,  commoditas  et  decorum:  partes  autem  decori  sunt,  mediocritas  et  modestia.  Proinde  si  lascive  pexa  et  compta  incedit  mulier,  si  luxum  et  pompam  ostentat,  excusari  non  potest  eius  vanitas.  Qui  obiiciunt,  rem  esse  indifferentem  ac  liberam  hoc  vel  illo  modo  se  vestire,  nullo  negotio  refelli  possunt.  Nimia  enim  elegantia  et  superfluus  splendor,  omnis  denique  excessus,  ex  animi  vitio  oritur.  Porro  ambitio,  superbia,  luxus  affectatio,  et  alia  huiusmodi,  non  sunt  res  mediae.  Quorum  igitur  animi  ab  omni  vanitate  purgati  erunt,  rite  temperabunt  omnia,  ut  modum  non  excedant.  4,  Sed  interior  cordis  homo.  Haec  autithesis  diligenter  notanda  est.  Dicebat  Cato,  qui  anxie  occupantur  in  corporis  cultu,  animi  cultum  negligere:  ita  Petrus  cohibendae  mulierum  cupiditati  hoc  remedium  affert,  ut  excolendis  animis  studium  potius  suum  addicant.  Cordis  nomine,  non  dubium  quin  totam  animam  significet.  Simul  ostendit  in  quo  spiritualis  mulierum  ornatus  consistat,  nempe  in  spiritus  mansueti  et  quieti  incorruptione.  Incorruptio  (meo  iudicio)  rebus  fluxis  et  caducis,  quae  ad  corporis  ornatum  serviunt,  opponitur.  Itaque  Erasmi  versio  a  genuino  sensu  dissidet.  In  summa,  intelligit  Petrus  animae  ornatum  non  similem  esse  flori  emarcido,  nec  in  evanido  splendore  positum,  sed  esse  incorruptibilem.  Quum  dicit  spiritum  tranquillum  et  quietum,  proprias  mulierum  virtutes  notat:  nihil  enim  est  quod  hunc  sexum  magis  deceat,  quam  placidum  et  sedatum