52:254  habetur  Actorum  15,  9,  quod  Deus  fide  corda  purificet.  De  bona  conscientia  testatur  Petrus,  quod  fundata  sit  in  resurrectione  Christi  (1.  Pet.  3,  21).  Hinc  porro  docemur,  nusquam  esse  veram  caritatem,  ubi  non  est  timor  Dei  et  conscientiae  integritas.  Nec  leviter  praetereundum  est,  quod  singulis  addit  epitheta.  Nihil  enim  magis  vulgare,  sicuti  nihil  magis  facile  est,  quam  fidem  et  bonam  conscientiam  iactare.  Sed  quotusquisque  est  qui  factis  ab  omni  se  hypocrisi  remotum  esse  demonstret?  Praesertim  notandum  est  epithetum  fidei:  quo  significat  fallacem  esse  eius  professionem,  ubi  non  apparet  bona  conscientia,  ubi  caritas  se  non  exserit.  Iam  quum  fide  constet  salus  hominum,  fide  autem  et  bona  conscientia  et  caritate  constet  perfectus  Dei  cultus,  nihil  mirum  si  in  his  Paulus  constituat  legis  summam.  6  .  A  quibus  postquam.  Perstat  in  metaphora  scopi,  vel  finis.  Nam  verbum  aoxoyeXv,  cuius  participium  hic  habetur,  significat  a  scopo  deflectere,  vel  aberrare.  Est  autem  insignis  locus,  quo  vaniloqui  i  condemnat  doctrinas  omnes  quibus  hic  unus  finis  non  est  propositus.  Et  simul  omnium  ingenia  et  cogitationes  evanescere  admonet,  ubi  alio  respiciunt.  Fieri  quidem  poterit  ut  multos  sui  admiratione  percellant  inutiles  argutiae:  stat  tamen  Pauli  sententia,  quidquid  in  pietate  non  aedificat,  esse  {xaxacoXoycav.  Quare  summopere  cavendum  ne  aliud  quaeramus  in  sacrosancto  Dei  verbo,  quam  solidam  aedificationem,  ne  ipse  alioqui  in  nobis  vindicet  eius  abusum  tam  severo  exemplo.  7.  Volentes  esse.  Non  taxat  eos  qui  aperte  impugnant  legis  doctrinam,  sed  qui  potius  se  eius  titulo  venditant.  Tales  negat  quidquam  intelligere,  quum  inutiliter  in  quaestionibus  curiosis  ingenium  fatigant.  Et  simul  eorum  arrogantiam  perstringit,  quum  addit,  de  quibus  affirmant.  Nulli  enim  audaciores  reperientur  ad  res  incognitas  temere  asserendas,  quam  eiusmodi  fabularum  magistri.  Videmus  hodie  quo  fastu  et  supercilio  magistrales  suas  determinationes  crepent  sorbonicae  scholae.  Quibus  autem  de  rebus?  Nempe  quae  penitus  abditae  sunt  humanis  ingeniis,  nullo  scripturae  verbo,  nulla  unquam  revelatione  patefactae.  Maiore  confidentia  purgatorium  suum  affirmant,  quam  mortuorum  resurrectionem.  Quod  de  sanctorum  intercessione  commenti  sunt,  nisi  habeatur  pro  certo  oraculo,  totam  religionem  convulsam  esse  clamitant.  Quid  de  coelestibus  hierarchiis,  de  relationibus,  et  similibus  commentis  commemorem  immensos  labyrinthos  ?  Genus  ipsum  est  infinitum.  In  his  omnibus  pronuntiat  apostolus  impleri  quod  vetere  proverbio  celebratum  est,  audacem  esse  inscitiam.  Sicuti  et  ad  Coloss,  cap.  2)  181  dicit,  inflatos  sensu  carnis,  in  ea  quae  nesciunt  se  ingerere.  8.  Scimus  quod  lex  bona.  Iterum  calumniam