50:254  tam  carnis  quam  spiritus  imaginem  nobis  depingit.  Si  se  homines  cognoscerent,  non  indigerent  hac  declaratione  :  quia  nihil  sunt  quam  caro.  Sed,  quae  nobis  ingenita  est  hypocrisis,  non  cernimus  nostram  foeditatem,  donec  a  fructibus  arbor  patefiat.  Nunc  ergo  admonet  apostolus,  adversus  quae  vitia  militandum  sit  nobis,  ne  vivamus  secundum  carnem.  Non  enumerat  quidem  omnia,  idque  in  fine  significat:  sed  ex  iis,  quae  recenset,  facile  est  reliqua  colligere.  Adulterium  et  s  c  o  r  t  a  t  i  o  n  em  ponit  primo  loco:  deinde  nominat  immunditiem,  quae  ad  omnes  impudicitiae  partes  extenditur.  Lascivia  est  tanquam  instrumentum.  Nam  qui  petulanter  ac  dissolute  se  gerunt,  illos  Graeci  vocant  aasXyeic.  Haec  quatuor  ad  unum  impudicitiae  caput  referuntur.  Subiungit  idolorum  cultum,  qui  hic  accipitur  pro  crassis  superstitionibus,  quae  ante  oculos  hominum  patent.  Septem  species,  quae  proxime  sequuntur,  inter  se  sunt  cognatae  :  quibus  aliae  postea  duae  accedunt.  Iram  et  i  n  i  m  i  c  i  t  i  a  s  nominat,  quae  praecipue  in  hoc  differunt,  quod  ira  brevis  est,  odium  diuturnum.  Aemulationes  et  invidiae  odii  causae  sunt.  Porro  inter  aemulationem  et  invidiam  sic  Aristoteles  distinguit  secundo  Rhetoricorum,  quod  aemulatur  qui  dolet  alium  sibi  praestare:  non  quia  eum  male  habeat  illius  virtus  aut  excellentia,  sed  quoniam  superior  esse  optaret.  Invidet  autem  non  qui  cupit  excellere,  sed  qui  uritur  aliorum  praestantia.  Ideo  vilium  et  abiectorum  hominum  invidiam  esse  docet,  altis  et  heroicis  pectoribus  aemulationem  tribuit.  Paulus  utrumque  morbum  carnis  esse  pronuntiat.  Ex  ira  quoque  et  odio  nascuntur  contentiones,  certamina,  tumultus.  Tandem  ad  homicidia  et  veneficia  descenditur.  Per  comissationes  victum  dissolutum  et  quamvis  gulae  intemperiem  significat.  Observandum  quod  haereses  recenset  inter  opera  carnis.  Nam  inde  colligimus,  c  a  r  n  i  s  vocabulum  latius  quam  ad  sensualitatem,  quam  fingunt  sophistae,  extendi.  Quid  enim  haereses  gignit  nisi  ambitio,  quae  praecipuam  mentis  sedem  occupat,  in  crasso  sensu  non  subsidet?  Haec  dicit  esse  manifesta,  ne  quis  tergiversando  putet  se  quidquam  profecturum.  Quid  enim  negare  iuvat  carnem  in  nobis  dominari,  si  fructus  arborem  prodant?  21.  De  quibus  praedico.  Hac  tam  severa  denuntiatione  non  modo  terrere  voluit  Galatas,  sed  etiam  oblique  perstringere  pseudoapostolos,  qui  posthabita  ista  longe  utiliore  doctrina  de  caeremoniis  litigarent.  Simul  tamen  suo  exemplo  cos  docet,  in  istas  exhortationes  et  minas  insistere,  iuxta  illud  (Iesa.  58,  1):  Clama,  ne  cesses:  annuntia  populo  meo  scelera.  Quid  autem  magis  horrendum  dici  potest  quam  dum  exterminantur  a  regno  Dei  quicunque  secundum  carnem  ambulant?  Quis  audeat  iam  levia  imaginari  haec  vitia,  quae  Deus  tanto-