5:254  dis  idolis,  impingere.  Non  stolidum  hominum  vulgus,  sed  prudentissimos  quosque,  et  summis  ingenii  doctrinaeque  dotibus  praeditos,  hoc  errore  captos  involutosque  esse  dico:  ad  ipsorum  opinionem  (quod  apostolus  fieri,  ut  meministi,  iubet)  te  revoco.  Si,  quo  illis  testatum  facias,  religione  te  ab  ipsis  non  discrepare,  caput  coram  simulacro  detegis,  aut  genu  curvas:  quid  aliud  quam  diserta  testificatione  idololatram  te  esse  profiteris?  [pag.  19]  At  utut1)  simulacro  te  honorem  deferre  hominibus  fingas,  Dei  tamen  unius  cultum  cogitatione  complecteris.  Quasi  vero  tuum  sit,  honorem  ad  arbitrii  tui  modum  inter  simulacrum  et  Deum  viventem  partiri:  Deoque  omnia  intuenti  perinde  palam  illudere,  ac  si  eius  oculos,  quod  omnium  hominum  perspiciunt  oculi,  praeteriret.  De  chrismate  quid  dicam  aliud?  in  quo  suscipiendo  si  te  nihil  peccare  defendis,  quod  hominum  iniquitati  ut  satisfacias,  membra  duntaxat  inungi,  nulla  conscientiae  religione  patiaris:  ego  contra  graviter  te  delinquere  arguo,  qui  vel  frontem  afferas,  in  quam  inscribatur,  quae  in  sua  confirmatione  ab  illis  usurpatur  blasphemia,  te  salutis  chrismate  confirmari;  vel  manus  porrigas,  in  quibus  illa  insculpatur,  qua  sacerdotes  suos  peragunt,  sacrificandi  te  potestate  donatum:  vel  omnes  corporis  partes  exhibeas  non  minori  exsecratione  inurendas,  qua  in  extrema  (quam  vocant)  unctione  utuntur,  per  oleum  tibi  remitti  peccata.  Quod  quidem  vel  leve,  vel  nullum  esse  delictum  tibi  concedam,  nisi  tua  ipsius  confessione  obtinuero,  rem  esse  plus  quam  indignam,  quae  ad  incorruptionem  regni  Dei  destinata  sint  corpora,  tanta  blasphemiarum  foeditate  conspurcari,  quam  in  conspectum  Domini  afferant,  quo  die  ad  recipiendam  immortalem  gloriae  coronam  eius  tribunali  sistentur.  Sic  qui  in  arculam  stipem  coniecerit,  ubi  venales  prostent  veniae,  aut  quidquam  omnino  ex  illo  plus  satis  foecundo  ac  liberali  indulgentiarum  dispensationumque  thesauro  sibi  redemerit,  in  nefandas  illas  nundinationes  nomen  inscripsit  suum,  ac  in  eas  consentire  se,  velut  data  tessera,  comprobavit.  Neque  illam,  quae  vulgo  iactatur,  excusationem  accipio:  non  secus  ac  iniecta  offa  maleficae  beluae  compescuntur,  ita  vel  pauculis  nummis,  vel  etiam  largiore  interdum  nummorum  copia  deliniendam  esse  sacrificulorum  rabiem:  qui  quum  de  lucro  agitur,  sic  praedae  inhiant,  quovis  ut  famelico  leone  sint  rabidiores,  praelium  (quem  morem  pseudoprophetis  ac  pseudosacerdotibus  semper  fuisse,  testis  est  propheta)  (Mich.  3,  5)  super  unum-  1)  Edd.  rece.  1576  seqq.  legunt:  ut.  Sensum  subobscurum  non  attigisse  videntur.  Calvinus  scilicet  alterius  excusationem  praesumit  mox  refutandam.  Quod  Gallus  multo  lucidius  expressit:  Combien  que  ie  face  semblant  .  .  .  .  de  porter  honneur  a  l'image,  ie  garde  neantmoins  en  mon  coeur  le  ser-  Tice  du  vray  Dieu.