49:254  10.  Dilectio  proximo  malum  non  infert.  Ab  effectu  demonstrat,  sub  caritate  contineri  quae  illis  omnibus  praeceptis  traduntur.  Qui  enim  vera  caritate  praeditus  erit,  nunquam  ei  in  mentem  veniet  fratres  laedere.  Quid  aliud  tota  lex  vetat  quam  ne  proximo  aliquam  noxam  inferamus?  Porro  hoc  ad  praesens  institutum  accommodari  decet.  Nam  quum  magistratus  pacis  et  aequitatis  sint  praesides:  qui  suum  cuique  ius  salvum  esse  cupit,  et  omnes  ab  iniuria  tutos  vivere,  is  ordinem  magistratuum  quantum  in  se  erit  tuebitur.  Politiae  vero  hostes  nocendi  libidinem  produnt.  Quod  autem  repetit,  complementum  legis  esse  dilectionem,  intellige  (ut  prius)  de  ea  legis  parte,  quae  hominum  societatem  spectat.  Prior  enim  legis  tabula,  quae  est  de  cultu  Dei,  minime  hic  attingitur.  11.  Hoc  etiam,  quum  noverimus  tempus,  quia  hora  est  qua  iam  e  somno  expergiscamur  {mine  enim  propior  est  salus  nostra  quam  quum  credidimus):  12.  nox  progressa  est,  dies  vero  appropinquavit  Abiiciamus  ergo  opera  tenebrarum  et  induamus  arma  lucis.  13.  Sicut  in  die,  decenter  ambulemus,  non  comessationibus,  neque  ebrietatibus,  neque  cubilibus,  neque  lasciviis,  neque  contentione,  neque  aemtdatione:  14.  sed  induamini  Dominum  Iesum  Christum,  et  carnis  curam  ne  agatis  ad  concupiscentias.  l  l  .  Hoc  etiam,  ete.  Nunc  alium  exhortationis  locum  ingreditur  :  quia  scilicet  nobis')  veluti  sub  auroram  micare  coeperunt  vitae  coelestis  radii,  nobi8  agendum  esse  quod  agere  solent,  qui  in  media  luce  atque  hominum  conspectu  versantur.  Diligenter  enim  cavent  illi  ne  quid  foedum  aut  indecorum  admittant.  Quia  si  quid  deliquerint,  obnoxios  se  fore  vident  nimis  multis  testibus.  Nos  vero,  qui  semper  in  conspectu  Dei  et  angelorum  stamus2),  et  quos  Christus  verus  sol  iustitiae  ad  sui  conspectum  invitat,  multo  magis  decet  ab  omni  turpitudine  cavere.  Summa  ergo  verborum  haec  est:  quum  sciamus  opportunum  iam  advenisse  tempus,  quo  e  somno  expergiscamur,  abiiciamus  quidquid  est  noctis:  excutiamus  omnia  tenebrarum  opera,  quandoquidem  ipsae  tenebrae  iam  discussae  sunt:  et  lucis  operibus  incumbentes  ambulemus  quemadmodum  in  die  decet.  Quae  interposita  leguntur,  parenthesi  sunt  includenda.  Porro  quoniam  hic  allegoria  est,  notare  operae  pretium  est  quid  singulae  partes  significent.  Noctem  vocat  ignorationem  Dei,  qua  quicunque  detinentur  veluti  in  nocte  errant  ac  dormiunt.  Duobus  enim  istis  malis  laborant  infideles,  quia  caeci  sunt  ac  stupidi.  Stuporem  vero  istum  paulo  post  per  somnum  designat,  qui  est  (ut  ille  dicit)  *)  Dominus  per  Christum  solem  iustitiae  illuxit  2)  qui  Christum  animarum  solem  habemus  prae  oculis  19*