15:254  multis  sit  invisum  quibus  carissimum  esse  oportuerat,  eum  unum  delegerant  per  cuius  latus  confodiant  Dei  veritatem.  Itaque  illum  audent  haereticum  et  Antichristum  vocare,  adeo  ut  vir  optimus  et  eximius  Dei  servus  non  aliam  in  his  locis  infiniti  laboris  mercedem  referat,  quam  istorum  nebulonum,  maledicta,  quibus  tamen  impune  licet  hoc  praetextu  totam  doctrinam  evangelicam  evertere,  quum  nobis  os  sit  occlusum.  Nam  si  mutiverimus,  diceinur  turbas  commovisse,  vel  privatas  inimicitias,  quas  tamen  nullas  esse  Deus  novit,  sub  pietatis  specie  persequi.  Atqui,  quamvis  libenter  fateamur  Calvinum  propter  excellentes  Dei  dotes,  eosque  omnes  quos  novimus  sincera  conscientia  in  vinea  Domini  excolenda  laborare,  a  nobis  summo  b  tu  dio  diligi  et  observari,  tamen  si  res  ista  eum  privatim  attingeret,  neque  nos  hac  de  causa  ad  vos  &cripbissemus,  neque  ille  hoc  a  nobis  contendisset,  cuius  patientiam  ii  demum  sciunt,  qui  quantas  iniurias  quotidie  et  ab  externis  papistis  et  a  falsis  fratribus  ferat,  penitus  norunt,  Sed  quia,  ut  ante  diximus,  Calvinum  isti  nomine  tantum,  doctrinam  autem,  quam  nos  adhuc  docuimus  et  nostro  sauguine  sancire  parati  sumus,  revera  conantur  evertere,  rogamus  vot>,  fratres,  et  tanta  contentione  a  vobis  petimus  quanta  maxima  fieri  potest,  detis  operam  pro  vestra  autoritate  et  prudentia,  ut  optimi  principes,  si  non  istos  canes  procul  semel  abigant,  at  certe  eorum  rabiem  aliqua  severitate  compescant.  Nos  quidem,  quantum  in  nobis  erit,  quiescemus,  neque  unquam  maledicta  maledictis  pensabimus:  sed  veritatem  Dei  silentio  nostro  prodere,  et  ecclesiam  quae  eandem  prorsus  doctrinam  atque  nos  profitetur  sinere  diutius  ab  istis  opprimi,  hoc  vero  neque,  ut  opinamur,  optimi  nostri  principes  unquam  a  nobis  flagitabunt,  neque  vos  certe,  si  id  faceremus,  factum  nostrum  approbaretis.  Hoc  igitur  iterum  a  vobis  petimus,  optimi  et  colendissimi  fratres,  ut  quia  proximi  illis  estis  quorum  imperio,  nisi  haec  omnia  mature  compescantur,  fieri  non  potest  quin  gravissimis  turbis  ecclesiae  nostrae  exagitentur,  quod  sine  summo  moerore  cernere  non  possemus,  huius  causae  patrocinium  suscipiatis,  quatenus  toti  ecclesiae  est  communis.  Nam  hoc  unum  petimus  ut  vel  veram  Christi  doctrinam  nobis  adversus  istos  asserere  liceat,  vel  istorum  petulantia  coerceatur,  ut  nobis  nihil  necesse  sit  adversus  eos  contendere,  vel  certe  isti  nos  haereticos  non  tantum  clament  sed  etiam  solidis  testimoniis  convincant,  ut  errore  intellecto  resipiscamus.  Neque  enim,  ne  nesciatis,  de  solo  illo  capite  reprobationis  agitur,  sed  religio  ab  ipsis  fundamentis  evertitur,  sicut  re  ipsa  cognoscetis,  si  semel  infelix  ille  huius  tragoediae  autor  a  vobis  audiatur.  In  summa  sic  habete:  Non  Calvinum  (quod  tamen  certe  indignum  esset)  sed  nostras  ecclesias  Calvini  nomine  ab  istis  Satanae  einissariis  peti:  eas  igitur  rogamus