55:253  253  CAPUT  III.  254  erravimus.  Caeterum  in  ovium  nomine  nulla  est  propria  notatio:  nam  pecudibus  nos  comparat:  sed  tota  vis  est  in  epitheto,  quod  propheta  exponit,  addens,  unumquemque  declinasse  in  suam  viam.  Sensus  est  igitur,  nos  omnes  alienos  esse  a  via  salutis,  et  tendere  in  exitium,  donec  Christus  nos  ex  dissipatione  colligat.  Idque  melius  patet  ex  membro  opposito,  quum  dicit  conversos  esse  ad  pastorem.  Quicunque  enim  a  Christo  non  reguntur,  eos  tanquam  devias  pecudes  in  errore  vagari  pronuntiat.  Ita  erroris  damnatur  tota  mundi  sapientia,  quae  se  Christo  regendam  non  submittit.  Insignes  autem  sunt  isti  duo  tituli,  quod  Christus  animarum  sit  episcopus  et  pastor.  Neque  enim  timendum  est  quin  fideliter  vigilet  pro  eorum  salute,  qui  in  eius  ovili  et  custodia  se  continebunt.  Etsi  autem  eius  officium  est,  nos  integros  corpore  et  anima  praestare:  Petrus  tamen  animas  exprimit,  quia  spirituali  suo  praesidio  nos  custodit  hic  coelestis  pastor  in  vitam  aeternam.  CAPUT  m.  1.  Similiter  mulieres  subiectae  sint  propriis  maritis:  ut  etiam  si  qui  sunt  increduli  sermoni,  per  uxorum  conversationem  absque  sermone  lucrifiant  2.  Considerantes  puram  vestram  in  timore  conversationem.  3.  Quarum  ornatus  sit  non  externus,  in  plicatura  capillorum  et  circumpositione  auri,  aut  palliorum  amictu:  4.  sed  interior  cordis  homo,  qui  in  incorruptione  situs  est  placidi  et  quieti  spiritus  :  qui  spiritus  coram  Deo  pretiosus  est.  Alterum  subiectionis  ordinem  nunc  persequitur,  quum  iubet  uxores  viris  suis  subesse.  Et  quoniam  plus  coloris  ad  excutiendum  iugum  habere  videntur  quae  viris  infidelibus  coniunctae  sunt,  nominatim  eas  admonet  officii:  ac  peculiarem  esse  causam  ostendit  cur  magis  sedulo  parere  debeant,  nempe  ut  probitate  sua  viros  alliciant  ad  fidem.  Quod  si  maritis  impiis  mulieres  obedientiam  debent,  multo  promptiores  ad  obsequium  esse  convenit,  si  maritos  habeant  fideles.  Sed  absurdum  videri  possit  quod  tradit  Petrus,  lucrifieri  posse  virum  Domino  absque  sermone.  Ubi  enim  erit  illud:  fides  ex  auditu  (Rom.  10,  17)?  Respondeo,  non  sic  intelligenda  esse  Petri  verba,  quasi  sola  vitae  sanctitas  incredulos  adducat  ad  Christum:  sed  quia  mollit  ac  temperat  eorum  animos,  ut  a  pietate  minus  abhorreant.  Nam  sicuti  mala  exempla  offendiculo  sunt:  sic  bona  non  parum  adiuvant.  Significat  ergo  Petrus,  mulieres  sancte  et  honeste  vivendo  hoc  posse  consequi,  ut  etiam  tacentes,  maritos  praeparent  ad  amplexandam  Christi  fidem.  2.  Considerantes  puram.  Franguntur  enim  animi