51:253  253  SUR  L'EPITRE  AUX  EPHESIENS.  254  Or  tant  y  a  que  nul  ne  s'acquitte  de  son  devoir,  non  pas  de  la  centieme  partie  en  cest  endroit,  tellement  que  nous  le  fraudons  tous  depuis  le  plus  grand  iusques  au  plus  petit,  d'autant  que  par  nostre  malice  nous  ne  cessons  d'ensevelir  la  louange  de  Dieu  qui  devroit  retentir  en  nos  bouches.  Pour  ceste  cause  nostre  Seigneur  nous  redargue  de  nostre  nonchalance.  Car  toutesfois  et  quantes  que  l'Escriture  saincte  nous  exhorte  de  louer  Dieu,  et  qu'elle  use  de  tant  de  propos,  ne  pensons  point  qu'ils  soyent  superflus:  mais  cognoissons  que  ce  sont  autant  de  reproches  de  nostre  malice  et  de  nostre  vilenie,  d'autant  que  nous  defaillons  en  ce  qui  estoit  si  requis,  et  ce  qui  estoit  (comme  i'ay  dit)  le  principal  de  nostre  vie.  Il  est  vray  que  souvent  le  S.  Esprit  nous  propose  d'autres  argumens  de  magnifier  le  nom  de  Dieu,  quand  il  met  en  avant  Tordre  de  nature,  et  les  fruicts  que  la  terre  produit,  et  les*  aides  et  secours  que  Dieu  nous  donne,  et  choses  semblables:  voila  donc  desia  matiere  suffisante  de  louer  Dieu.  Mais  S.  Paul  nous  amene  ici  plus  haut,  et  veut  que  Dieu  soit  sur  tout  glorifie  de  nous,  d'autant  qu'il  ne  s'est  point  contente  de  nous  avoir  mis  au  monde,  et  nous  y  nourrir,  et  prouvoir  a  toutes  nos  necessitez,  pour  nous  y  faire  passer  ceste  vie  caduque:  mais  qu'il  nous  a  choisis  pour  estre  heritiers  de  son  royaume  et  de  la  vie  celeste.  Nous  avons  donc  double  obligation,  et  beaucoup  plus  estroite  envers  Dieu,  que  n'ont  pas  les  poures  ignorans  et  incredules.  Oar  combien  que  desia  ils  soyent  obligez  tant  et  plus  a  Dieu,  si  est-ce  neantmoins  que  le  bien  qu'il  nous  a  fait  en  Iesus  Christ,  est  sans  comparaison  plus  excellent  et  plus  noble,  d'autant  que  Dieu  nous  a  voulu  adopter  pour  ses  enfans.  Estans  hommes  mortels,  il  est  vray  que  nous  sommes  du  nombre  de  ses  creatures  formees  a  son  image:  mais  quoy?  Ceste  image  a  este  effacee  en  nous  par  le  peche  et  par  la  corruption  de  laquelle  nous  sommes  entachez  par  la  desobeissance  d'Adam.  Et  puis,  quel  heritage  avons  nous  sinon  de  son  ire  et  la  mort  eternelle?  Brief,  nous  ne  sommes  pas  dignes  d'estre  mis  au  reng  des  bestes  brutes,  si  nous  demeurons  en  la  condition  telle  que  nous  avons  de  nature.  Or  quand  Dieu  nous  fait  membres  de  son  Fils  uniqne,  qu'il  nous  met  au  reng  de  ses  Anges,  qu'il  nous  prepare  pour  estre  faits  participans  de  sa  nature  et  de  sa  gloire  (comme  sainct  Pierre  en  parle  en  sa  premiere  Epistre),  ne  devons  nous  pas  sentir  la  une  grace  si  haute  et  si  noble  que  nous  y  soyons  du  tout  ravis?  Voila  donc  ce  que  8.  Paul  a  voulu  dire  en  ce  passage:  c'est  en  premier  lieu,  qu'ici  nous  sommes  exhortez  d'appliquer  du  tout  nostre  estude  a  louer  Dieu,  voire  d'autant  que  nous  y  sommes  par  trop  froids  et  nonchalans,  sinon  qu'on  nous  y  pousse,  et