50:253  253  CAPUT  V.  254  dandum  est  ac  serio  pugnandum,  visque  nobis  inferenda  ut  spiritui  obsequamur.  Quare  incipiendum  a  nostri  abnegatione.  Hic  videmus  quo  encomio  Dominus  ingenium  nostrum  ornet,  quod  scilicet  nihilo  melius  illi  cum  rectitudine  conveniat  quam  igni  cum  aqua.  Nunc  quae  in  libero  arbitrio  gutta  boni  reperietur?  nisi  bonum  forte  vocetur  quod  Dei  spiritui  contrarium  est.  Hoc  est  quod  dicit  ad  Rom.  8,  7,  cogitationes  carnis  omnes  inimicitias  esse  adversus  Deum.  Ut  non  quaecunque  volueritis.  Hoc  procul  dubio  ad  regeneratos  spectat.  Carnalibus  enim  nihil  est  pugnae  cum  pravis  cupiditatibus:  nullum  rectum  desiderium  quo  adspirent  ad  Dei  iustitiam.  Et  fideles  alloquitur  Paulus:  ideo  istud  velle,  non  de  inclinatione  naturae,  sed  sanctis  affectibus  intelligendum,  quos  nobis  sua  gratia  Deus  inspirat.  Pronuntiat  itaque  Paulus,  fideles,  quantumcunque  nitantur,  non  tamen  eousque  eluctari,  quamdiu  sunt  in  hac  vita,  ut  perfecte  Deo  serviant.  Volunt  quidem  et  cupiunt,  sed  non  respondet  plenus  effectus.  Quod  argumentum  fusius  tractatur  ad  Romanos  capite  7,  15.  18.  Si  spiritu  ducimini.  Quum  fideles  claudicent  ambulando  in  via  Domini,  ne  deficiant  animis,  propterea  quod  legi  non  satisfacere  cupiunt:  opus  habent  consolatione  qualem  hic  audiunt,  quum  dicit  Paulus  eos  non  esse  sub  lege.  Quam  adhibet  etiam  ad  Rom.  6,  14  capite.  Inde  enim  sequitur,  illis  non  imputari  quod  adhuc  deest:  sed  perinde  accepta  esse  Deo  eorum  officia,  ac  si  plena  et  absoluta  omnibus  numeris  forent.  Caeterum  prosequitur  hic  quoque  institutam  disputationem  de  libertate.  Hic  est  enim  spiritus,  quem  prius  vocavit  adoptionis:  qui  quum  liberos  faciat  homines,  manumittit  eos  a  iugo  legis.  Perinde  igitur  est  ac  si  diceret:  Vultis  semel  finire  illas  controversias,  quae  vos  exercent?  ambulate  secundum  spiritum.  Nam  tunc  soluti  eritis  a  legis  imperio:  quia  lex  erit  tantum  liberalis  doctrina  quae  vos  admoneat:  conscientias  vestras  non  tenebit  amplius  obstrictas.  Porro  sublato  legis  reatu,  libertas  a  caeremoniis  sequitur:  quae  sunt  servilis  conditionis  symbola.  19.  Manifesta  vero  sunt  opera  carnis,  quae  sunt  adulterium,  scortatio,  immunditia,  lascivia,  20.  idololatria,  veneficium,  inimicitiae,  contentio,  aemulationes,  irae,  concertationes,  seditiones,  haereses,  21.  invidiae,  homicidia,  ebrietates,  comissationes  ei  his  similia:  de  quibus  praedico  vobis,  quemadmodum  et  praedixi,  quod  qui  talia  agunt,  regnum  Dei  haereditate  non  possidebunt  19.  Manifesta  vero  sunt  opera.  Quoniam  in  summa  scopum  proposuit  Christianis,  quo  intendere  debeant,  ut  spiritui  obediant,  resistant  carni:  nunc