5:253  DE  FUGIENDIS  IMPIORUM  SACRIS.  aliis  citra  piaculum  aliquod  exsequi  possis.  Verum  enim  prudentia  hic  et  diligenti  animadversione  opus  est,  qua  quae  eius  notae  sunt  et  formae,  discernere  ab  iis  noveris,  quae  cum  Dei  verbo  non  obscure  pugnant,  et  velut  impressam  in  fronte  gerunt  manifestam  impietatem.  Quod  totum  exempla  et  sub  oculos  subiicient  melius,  et  brevius  expedient.  Carnium  esum  religionis  nomine  interdicere,  hocque  interdicto  fidelium  obligare  conscientias>  plane  tyrannicum,  atque  etiam,  ut  apostolus  loquitur  (1  Tim.  4,  1),  diabolicum  fuit.  [pag.  18]  At  quum  sit  istud  Domini  permissu  tibi  in  medio  relictum,  vescarisne  omni  die  carnibus,  an  in  totam  vitam  abstineas,  illis  diebus  quin  te  abstineas,  nihil  prohibet.  Cur  enim  non  interdum  liceat,  quod  semper  liberum  est?  Ita  scelerato  imperio  absque  scelere  parebis,  animus  sit  tibi  modo,  rudium  ignorantiae  in  hoc  concedere,  1)  non  etiam  animam  in  illos  traditionum  laqueos  tuam  inserere.  Arcere  coniugio  eos,  qui  carnis  incontinentia  exagitantur,  ex  eodem  est  tyrannidis  genere:  nec  tamen  eadem  tibi  parendi  fuerit  facultas,  siquidem  illo  ardoris  aculeo  pungeris,  quod  non  ut  carnium,  ita  uxoris  abstinentiam  libertati  tuae  permiserit  Dominus.  Hunc,  quem  in  caeremoniis  vestratibus,  quarum  causa  haec  instituta  est  disputatio,  pro  eo  tempore  quo  istic  tibi  vivendum  est,  semper  intuearis,  scopum  tibi  propono:  ut  quae  nulla  sunt  impietate  notabiles,  iis  sobrie  quidem  et  parce,  sed  tamen  quum  usus  postulabit  libere  secureque  defungaris:  facile  ut  appareat,  nullam  esse  tuam  nec  in  affectando,  nec  in  refugiendo  superstitionem.  Quae  vel  minima  sacrilegii2)  nota  sunt  aspersae,  eas  non  magis  quam  venenatum  serpentem  attingas:  esse  enim  re  vera  quovis  serpente  solo  attactu  pestilentiores,  quin  tibi  sim  probaturus,  nihil  diffido.  Earum  vero  in  numero  simulacrorum  venerationem,  unctionis  susceptionem,  indulgentiarum  emptionem,  irrigationem  ex  aqua  exsecrandis  illis  exorcismis  incantata,  similesque  alios  per  se  damnabiles  ritus  repono.  Quid  enim  tandem  afferri  queat,  quod  in  eorum  omnium  excusationem  satis  valeat,  quo  minus  tanti  a  nobis  maleficii  damnari  debeant?  Scio  enim  quosdam  esse  moderatores,  quibusf  ad  exagitandas  leves  istas,  ut  credi  volunt,  et  nihili  nugas,  videmur  nimium  asperi:  sed  quid  illi,  inquam,  ad  diluendam  nimiam  hanc  nostram  (quando  ita  vocari  placet)  acerbitatem  tandem  afferunt?  Negare  certe  non  audebunt  ubicunque  ad  cultum  prostant  in  templis  simulacra,  maximam  et  prope  universam  hominum  multitudinem  divinis  ipsa  honoribus  prosequi:  ac  in  eo  in  secundum  legis  praeceptum,  quod  est  de  non  colen-  1)  Editio  princeps:  concredere  {versio  gallica  habet:  ceder).  2)  Edd.  reco.  1576  seqq.:  sacrificii.  Versio  gallica:  sacrilege.