41:253  253  IN  DANIELEM.  CAP.  XI.  254  dignus  erat.  Fuit  enim  ipse  quoque  occisus.  Menelaus  iterum  successit,  et  captavit  gratiam  Antiochi.  Autoritas  autem  sacerdotii  tantum  poterat,  ut  qui  erat  in  illo  gradu,  secum  traheret  magnam  partem  populi.  Ergo  hic  praedicit  angelus  Antiochum  ubi  in  urbem  veniet,  habiturum  socios  ex  apostatis  et  desertoribus.  Quoniam  ergo  adiiciet  animum  (Ad  verbum  est,  intelliget),  super  deserentes  foedus  sanctitatis,  sed  sensus  minime  obscurus  est,  quod  scilicet  Antiochus  non  geret  palam  bellum  contra  Iudaeos,  sed  quia  una  factio  obviam  prodibit,  et  aucupabitur  ipsius  favorem.  Postea  sequitur.  Ego  breviter  haec  percurro,  quia  postea  ubi  ad  summam  rerum  ventum  fuerit  commodius  tunc  elicere  licebit  doctrinam  generalem.  Dicit  postea  angelus,  31.  Et  brachia  ab  ipso  stabunt,  et  profanabunt  sanctuarium  roboris  (aut  virtutis)  et  abolebunt  iuge  (sacrificium  scilicet),  et  ponent  abominationem  quae  obstupefaciet  (de  hac  voce  iam  ante  diximus).  32.  Et  impie  agentes  contra  foedus  abducet  in  errorem  blanditiis  (hoc  est,  pervertet  magis  ac  magis  blanditiis),  et  popilius  intelligentes  (id  est,  quicunque  ex  populo  cognoscent)  Deum  suum  roborabuntur  et  facient  Hic  describit  angelus  intestina  ecclesiae  mala,  et  clarius  explicat  quae  breviter  proximo  versu  attigit.  Dicit  ergo  brachia  ex  parte  Antiochi  statura  esse.  Quidam  de  praesidiis  exponunt  quae  Ierosolymae  imposuit  ille  tyrannus.  Sed  hoc  videtur  nimis  esse  contortum.  Ego  igitur  non  dubito  quin  angelus  contexat  sermonem  suum  de  apostatis  et  legis  desertoribus.  Stabunt  igitur  ab  ipso  brachia,  hoc  est,  non  propriis  opibus  pugnabit,  sed  fretus  auxiliis  ipsius  populi.  Multi  enim  sese  offerent  ad  obsequium.  Ergo  reperiet  Antiochus  Ierosolymae  propriam  sectam,  quae  libenter  se  prostituet  ad  eius  arbitrium.  Postea  adiungit,  Profanabunt  sanctuarium  virtutis.  Hic  Antiochum  et  impios  apostatas  simul  coniungit  angelus.  In  gratiam  igitur  Antiochi  dicit  pollutum  iri  templum,  quod  impletum  fuit,  ubi  erecta  fuit  statua  Iovis  Olympii.  Postea  longius  grassata  est  tyrannis  et  violentia  Antiochi,  ut  suo  loco  videbimus.  Sed  ut  cultum  Dei  everteret  induxit  in  templum  statuam  Iovis  Olympii:  deinde  alias  corruptelas  quibus  vitiavit  purum  Dei  cultum.  Poterat  uno  momento  totam  legem  evertere:  sed  hoc  principio  tentavit  ut  misceret  multas  superstitiones  legi  Dei,  atque  ita  paulatim  Iudaeos  abduceret  a  vera  et  sincera  pietate.  Vocat  autem  angelus  sanctuarium  potentiae,  ut  fideles  reputent  Antiochum  non  esse  Dei  victorem,  quia  nihil  decedet  potentiae  Dei,  qui  templi  sui  et  praeses,  et  custos  usque  ad  illud  tempus  fuerat.  Tribuit  igitur  hoc  epitheton