29:253  253  IN  I.  LIB.  SAMUEL.  CAP.  1.  254  sic  in  eius  cultum  incumbamus,  ut  non  tantum  caeremoniis  externis  religionem  non  simulemus,  sed  toto  corde  sic  illum  veneremur  ac  colamus,  ut  tandem  eius  auxilium  experiamur,  tanquam  Don  ficti  et  simulati  sed  sinceri  adoratores.  Nostras  autem  infirmitates  sic  benignus  toleret,  ut  licet  nihil  in  nobis  boni  appareat,  tamen  suo  favore  nos  complecti  non  desinat,  ete.  HOMILIA  SECUNDA.  6.  Et  ipsam  quoque  valde  provocabat  aemula  eius,  ut  commoveret  eam  :  quia  occluserat  Iehova  vulvam  eius.  7.  Sic  autem  faciente  eo  quotannis,  quum  illa  adscenderet  m  domum  Iehovae  ita  aemula  provocabat  eam,  ut  fleret  et  non  comederet.  8.  Quamvis  diceret  ei  Mcana  vir  eius,  Channa  quare  stes  ?  et  quare  non  comedis?  et  quare  male  se  habet  animus  tuus?  annon  melior  sum  tibi  quam  decem  filii?  Hesterna  concione  didicimus,  nunquam  Dei  cultum  nobis  deserendum,  licet  mille  pessimis  exemplis  ad  malum  provocatis  :  nec  quid  hic  vel  ille  faciat  intuendum,  sed  ad  hominum  cuiuscunque  conditionis  vel  ordinis  offendicula  potius  occludendos  oculos:  ut  si  rectum  virtutis  ac  pietatis  tramitem  ingressi  sumus,  nunquam  vel  ad  laevam  vel  ad  dextram  declinemus,  sed  rectam  viam  indefessi  semper  insistamus.  Ac  ne  si  quidem  depravati  fuerint,  quos  sanctitatis  ac  pietatis  exemplar  esse  decuerat,  resilire  debemus,  quum  sibi  ipsis  malum  accersant,  etsi  lento  adversum  ipsos  passu  divina  vindicta  progrediatur,  Neque  enim  par  est  propter  hominum  malitiam  ac  proterviam,  quidquam  Deo  detrahi,  aut  de  legis  ipsius  dignitate  minui.  Nobis  in  praesentia  de  rixis  et  contentionibus  Annae  cum  altera  Elcanae  uxore  Peninna  dicendum  est.  Ubi  observandum  quam  propensi  mortales  ad  cultus  Dei  violationem.  Nam  Schiluntem  adscendente  Elcana  cum  familia  ad  sacrificandum  in  sanctuario,  nonne  si  quae  domi  exercebantur  odia  aut  rixae,  tum  oblivioni  tradendae  fuerunt?  Si  quidem  sese  Domino  stituri,  et  in  eius  maiestatis  conspectum,  ut  saepe  Deus  in  lege  loquitur,  venturi  accedebant.  Deinde  nobis  huius  profectionis  et  adorationis  ad  sanctuarium  a  Domino  institutae  finis  considerandus.  Neque  vero  cogitandum  Deum  aliqua  virorum  aut  mulierum  cursitatione  delectatum,  qualia  sibi  somnia  finxerunt  a  quibus  excogitatae  peregrinationes,  quasi  labore  hominum  huc  vel  illuc  discurrentium  Deus  coleretur:  sed  potius  voluisse  ut  arca  sui  foederis,  ara  suffitus,  ac  denique  sacrificia  essent  instar  vinculi,  quo  populus  in  mutua  concordia  et  pace  foveretur.  Quare  si  quos  nulla  strictior  iungebat