10.1:253  CONSILIA.  textu,  possidere  ulla  sacerdotia  in  papatu:  quia  nullum  assem  colligere  inde  licet,  qui  non  sit  sacrilegio  inquinatus.  Verum  si  quis  per  inscitiam  et  errorem  collectos  inde  fructus  absumpserit,  non  video  cur  de  restitutione  anxie  laboret.  Distinguo  alimenta  a  repositis  thesauris.  Nam  si  quis  ex  ea  pecunia  se  ditaverit,  donec  restituat  quod  iniuste  detinet,  non  est  purus  ab  anathemate.  Ergo  sicuti  Moses  tranquilla  conscientia  aulam  Pharaonis,  et  delitias  reliquit,  quia  genus  illud  vitae  non  sponte  appetiverat:  sic  hodie  quisquis  maledictis  illis  opibus  se  abdicat,  quibus  se  ad  tempus  sustinuit,  quieto  animo  in  posterum  legitima  ratione  victum  sibi  acquirere  potest.  Quod  ad  pretium  venditionis  spectat,  scelerata  haud  dubie  fuit  pactio.  Sed  emptore  mortuo  non  aliud  superest,  nisi  ut  qui  pecuniam  iniuste  accepit,