50:252  nostri  generet  aliorum  tam  neglectum  quam  contemptum,  generet  crudelitatem,  fons  sit  avaritiae,  rapinarum,  fraudium  et  omnium  eiusmodi  pestium:  ad  impatientiam  nos  impellat,  armet  nos  ulciscendi  cupiditate.  Ergo  hoc  requirit  Dominus,  ut  vertatur  in  caritatem.  15.  Quod  si  alius  alium.  Coniicere  tum  ex  re  ipsa,  tum  ex  verbis  licet,  certatum  fuisse  inter  Galatas  contentionibus,  quum  in  doctrina  dissiderent.  Ab  exitu  nunc  demonstrat  quam  exitiale  malum  sit  in  ecclesia.  Deinde  verisimile  est,  Dominum  per  falsas  doctrinas  ultum  fuisse  ambitionem,  fastum  et  alia  eorum  vitia:  quemadmodum  solet  ac  etiam  testatur  per  Mosen  Deut.  13,  2.  Per  morsus  et  devorationem  intelligit,  meo  iudicio,  tam  hostiles  calumnias,  criminationes,  convicia  et  reliqua  certamina  verborum:  quam  iniurias  quae  vel  fraude  vel  violentia  inferuntur.  Quis  tandem  finis?  Cons  u  m  p  t  i  o  ,  inquit.  At  vero  proprium  caritatis  est,  nos  mutuo  tueri  et  fovere.  Utinam  istud  semper  occurreret,  quoties  diabolus  nos  ad  contentiones  sollicitat,  ex  intestinis  scilicet  membrorum  dissidiis  non  posse  aliud  provenire  quam  totius  corporis  exitium  et  consumptionem.  Quam  miserum  autem  ac  insanum  est,  sponte  nos,  qui  eiusdem  sumus  corporis  membra,  in  mutuam  perniciem  conspirare?  16.  Dico  autem,  spiritu  ambulate.  Sequitur  remedium.  Non  leve  malum  est  ruina  ecclesiae.  Sedulo  igitur  dum  impendet,  obviandum  est.  Sed  ratio  quae?  nempe  si  caro  non  dominetur  in  nobis:  sed  spiritui  Dei  nos  regendos  praebeamus.  Subindicat  autem  carnales  esse  Galatas  et  spiritu  Dei  vacuos,  qui  vitam  Christianis  indignam  agant.  Unde  enim  fiebat  ut  se  invicem  conficerent,  nisi  quia  pro  carnis  libidine  agebantur?  Hoc  igitur  signum  esse  dicit,  quod  secundum  spiritum  non  ambulent.  Notandum  verbum  p  e  r  f  i  c  i  e  n  d  i  ,  quo  significat  Dei  filios,  quamvis  adhuc  vitiis  obnoxii  sint,  quamdiu  carnis  onere  gravantur,  non  esse  prorsus  illis  addictos  nec  mancipatos,  sed  ad  resistendum  eniti:  neque  enim  spiritualis  homo  immunis  est  a  cupiditatibus  carnis,  quin  saepe  ab  illis  incitetur:  sed  non  succumbit  ut  regnum  illis  permittat,  quod  est  eas  perficere.  Vide  octavum  caput  ad  Romanos.  17.  Caro  concupiscit  adversus.  Admonet  eos  difficultatis,  ut  sciant  non  absque  certamine  spiritualiter  so  victuros.  Difficultas  inde  est,  quod  ingenium  nostrum  spiritui  repugnat.  Siquidem  carnis  nomine  hominis  naturam  significari  diximus  in  epistola  ad  Romanos.  Nam  quod  sophistae  restringunt  ad  sensus  inferiores,  quos  vocant,  refellitur  ex  multis  locis.  Et  antithetum  omnem  ambiguitatem  tollit.  Spiritus  enim  naturam  reformatam,  vel  gratiam  regenerationis  significat.  Quid  igitur  aliud  caro  quam  vetus  homo?  Quum  itaque  tota  hominis  natura  rebellis  sit  ac  contumax  adversus  Dei  spiritum,  su-