10.1:252  de  ceste  eglise,  leur  desir  seroit  conforme  a  ce  que  le  dict  Sr.  Bartonnier  dit  quil  fera  ci  apres,  assavoir  que  tous  fideles  en  tant  quen  eulx  est  evitassent  tout  maniement  de  telles  choses  en  tant  quil  peut  porter  approbation  ou  consentement  a  quelque  partie  des  idolatries  ou  quoy  que  ce  soit  de  la  profanation  des  choses  qui  debvoyent  estre  consacrees  pour  l'usage  de  la  vraye  eglise  et  pour  entretenir  l'ordre  legitime  d'icelle.  Et  pourtant  ils  estiment  qu'ung  conseillier  cognoissant  la  verite  de  Iesus  Christ  doibt  de  longue  main  decliner  telles  commissions  comme  celle  dont  la  susdicte  lettre  fait  mention  et  les  laisser  a  d'aultres.  Toutesfois  quand  ung  tel  se  trouvera  dedans  n'ayant  pas  si  bien  apperceu  d'entree  les  difficultez  qui  y  sont  pour  la  conscience  comme  l'experience  les  luy  fait  sentir:  leur  advis  seroit  que  pour  s'en  despestrer  au  moins  mal  il  proteste  a  bon  escient  que  ce  qu'il  en  fait  ce  n'est  pas  qu'il  approuve  tel  abus,  mais  qu'estant  seulement  exequuteur  il  n'entre  pas  en  cognoissance  de  cause  plus  avant.  Quant  aux  iuges  et  cours  par  devant  lesquelles  telles  matieres  viennent  a  estre  debatues  c'est  aultre  chose.  Car  ung  iuge  n'a  pas  telle  liberte,  de  n'y  toucher  point  comme  a  ung  conseillier,  veu  que  le  iuge  est  tellement  estably  pour  ouyr  les  differens  communs  que  suivant  l'usage  accoustume  et  les  ordonnances  du  roy  les  proces  touchant  les  benefices  sont  aucunement  de  sa  iurisdiction:  pourtant  on  seroit  d'advis  qu'estant  ainsi  contreinct  d'en  prononcer  il  declairast  que  combien  que  ni  le  demandeur  ni  le  defendeur  ne  soyent  bien  fondez  en  ceci,  et  que  de  droict  divin  la  chose  n'appartienne  a  lung  ni  a  l'aultre,  toutesfois  selon  les  loix  de  la  cour  romaine  approuvees  par  le  Roy  cestuici  le  doibt  emporter  et  suivant  cela  il  luy  adiuge.  Neantmoins  quand  ung  iuge  pourra  trouver  moyen  de  renvoyer  ailleurs  tels  plaideurs  ce  sera  le  meilleur  pour  sa  conscience,  comme  s'il  avoit  ung  substitut  papiste,  soit  ung  substitut  ordinaire,  soit  le  premier  conseillier  du  siege,  qu'il  luy  laisse  volontiers  practiques  monstrant  de  son  coste  qu'il  ne  prend  pas  plaisir  a  remuer  telles  ordures.  Au  reste  pource  que  la  lettre  faisant  mention  de  certains  destroictz  ne  specifie  point  quelz  ils  sont,  il  n'a  este  possible  d'y  respondre  aultrement  qu'en  general.  RESPONSIO  AD  QUAESTIONEM  PROPOSITAM  DE  PROVENTU  ANNUO  SACERDOTII  PAPALIS,  ET  VENDITIONIS  PRETIO.  ')  Si  de  re  adhuc  integra  dandum  esset  consilium,  non  licere  existimo,  quamlibet  specioso  prae-  1)  Epp.  et  Responsa  ed.  Genev.  p.  361,  Laus.  p.  486,  Hanov.  p.  545,  Chouet  p.  496,  Amst.  p.  226.