52:251  251  EPIST.  PAULI  AD  TIMOTHEUM  L  252  daverat  suas  partes,  observanda  est  pia  eius  sollicitudo.  Sic  enim  satagebat  in  colligendis  pluribus  ecclesiis,  ut  priores  non  relinqueret  destitutas  pastore.  Et  sane  (ut  ille  inquit)  Non  minor  est  virtus  quam  quaerere,  parta  tueri.  Denuntiandi  verbum  potestatem  significat.  Vult  enim  Paulus  eum  instruere  potestate  ad  alios  coercendos.  Ne  aliter  doceant  Yerbum  graecum,  quo  usus  est  Paulus,  est  compositum:  ideoque  transferri  potest,  vel  secus  docere,  ac  novo  modo:  vel  tradere  diversam  doctrinam.  Quod  Erasmus  vertit  sectari,  non  placet:  quia  de  auditoribus  posset  accipi.  Paulus  autem  eos  intelligit  qui  ambitionis  causa  novam  doctrinam  ingerebant.  Si  legamus  aliter  docere,  latius  hoc  patebit.  Nam  prohibebit  hoc  verbo  ne  patiatur  Timotheus  novas  docendi  formas  induci,  quae  cum  vera  et  genuina,  quam  tradiderat,  minus  congruant.  Sic  in  altera  epistola  hypotyposin,  hoc  est,  vivam  effigiem  doctrinae  suae  commendat.  Sicut  enim  una  est  Dei  veritas,  ita  simplex  eius  tradendae  ratio,  minime  fucata  scilicet,  et  quae  spiritus  maiestatem  potius  quam  humanae  eloquentiae  pompam  resipiat.  Ab  hac  quisquis  recedit,  deformat  ipsam  doctrinam  et  vitiat.  Ergo  aliter  docere  referre  oportebit  ad  formam.  Si  legamus  aliud  docere,  ad  materiam  referetur.  Notandum  tamen  est,  non  vocari  aliam  doctrinam  tantum  quae  palam  cum  pura  evangelii  doctrina  pugnet,  sed  quaecunque  purum  evangelium  vel  corrumpit  novis  et  adventitiis  figmentis,  vel  profanis  speculationibus  obscurat.  Omnia  enim  hominum  figmenta  totidem  sunt  evangelii  corruptelae.  Et  qui  scripturis  ludunt  profano  more,  ut  Christianismum  in  artem  ostentationis  convertant,  evangelio  tenebras  inducunt.  Totum  itaque  hoc  docendi  genus  alienum  est  a  verbo  Dei,  et  ab  illa  doctrinae  puritate  in  qua  Ephesios  manere  iubet  Paulus.  4.  Neque  attendant  fabulis.  Fabulas  vocat  (meo  iudicio)  non  tam  mendacia  conficta,  quam  nugas  aut  ineptias  quae  nihil  habent  solidi.  Fieri  enim  potest  ut  non  sit  aliquid  falsum,  quod  tamen  erit  fabulosum.  Qua  significatione  Tranquillus1)  fabularem  historiam  posuit:  et  Livius2)  fabulari,  pro  inepte  et  absque  ratione  garrire.  Nec  dubium  est  quin  [Luboc  (quo  verbo  hic  usus  est  Paulus)  graecis  significet  cpXuaptav,  hoc  est  nugas.  Porro  quum  speciem  unam  addidit  exempli  causa,  omnem  dubitationem  sustulit.  Disputationes  enim  de  genealogiis  numerat  inter  fabulas:  non  quia  commentitium  sit  quidquid  de  illis  dici  potest,  sed  quia  inane  et  infructuosum.  Sic  ergo  resolvere  licebit  hunc  locum,  non  attendant  fabulis,  quales  aut  cuius  generis  sunt  genealogiam  Atque  illa  est  fabularis  historia  cuius  O  Sueton.  Tiber.  70.  2)  Lib.  45.  c.  39.