51:251  251  SERMON  I  252  Mais  retenons  bien  ces  mots,  quand  il  est  dit,  Saincts  et  fideles  en  Iesus  Christ  Car  S.  Paul  nous  monstre  qu'il  n'y  a  que  feintise  en  toute  la  sainctete  des  hommes,  iusques  a  ce  que  Dieu  les  ait  appliquez  a  son  service,  qu'il  les  ait  la  dediez  et  consacrez  par  la  foy.  Car  nous  sommes  tous  pollus  de  nature,  et  de  nous  il  ne  pourra  iamais  sortir  qu'infection.  Vray  est  quand  les  hommes  auront  prins  quelque  beau  lustre  et  apparence,  on  les  estimera  iustes  tant  et  plus,  leurs  vertus  seront  preschees  partout:  comme  nous  voyons  qu'un  homme  acquerra  bruit  de  grande  perfection,  quand  il  aura  quelques  belles  choses  en  luy.  Mais  nous  devons  retenir  ce  qui  est  dit  au  15.  chap.  des  Actes,  que  Dieu  purifie  les  coeurs  par  foy.  Or  il  en  est  bien  besoin:  car  c'est  un  abysme  d'horrible  confusion  que  le  coeur  de  l'homme,  ainsi  que  dit  le  prophete  Ieremie.  Nous  n'appercevrons  pas  cela  :  mais  Dieu  a  les  yeux  plus  clairs  que  nous.  Quoy  qu'il  en  soit,  que  cest  article  nous  soit  resolu,  que  toute  la  sainctete  que  les  hommes  cuident  avoir,  iusques  a  ce  qu'ils  soyent  unis  par  la  foy  de  l'Evangile,  n'est  que  corruption,  et  que  tout  cela  est  abominable  devant  Dieu.  Voila  donc  pour  un  item,  qu'il  n'y  a  autre  sainctete  que  Dieu  accepte  et  advoue,  sinon  de  ceux  qui  sont  fideles:  car  sans  estre  Chrestiens  premierement,  nous  sommes  aveugles  et  ne  pouvons  rendre  a  Dieu  ce  qui  luy  est  deu.  Et  quand  il  n'y  auroit  que  ce  sacrilege-la,  n'est-ce  pas  pour  insecter  toutes  les  vertus  que  nous  pourrions  avoir  au  reste?  Et  puis  il  est  certain  que  d'autant  qu'en  Iesus  Christ  l'esprit  de  la  crainte  de  Dieu,  l'esprit  de  perfection,  l'esprit  de  iustice,  l'esprit  de  purete  a  reside  et  qu'il  y  a  son  siege,  que  tous  ceux  qui  sont  separez  de  Iesus  Christ,  encores  qu'on  leur  applaudisse  selon  le  monde,  n'ont  en  eux  que  vices  et  toutes  pollutions:  mais  aussi  d'autre  coste,  notons  que  tous  ceux  qui  se  vantent  d'avoir  foy  en  l'Evangile  et  ne  sont  pas  sanctifiez  a  Dieu,  monstrent  leur  feintise  et  mensonge  et  se  dementent  par  leur  propre  vie,  quoy  que  leur  bouche  dise  ou  chante:  comme  nous  en  voyons  beaucoup  qui  profanent  auiourd'huy  ce  nom  de  la  foy,  qui  doit  estre  si  sacre:  chacun  se  dira  fidele:  et  ceux  qui  en  ont  le  moins  sont  les  plus  hardis  a  dire  qu'il  n'y  a  foy  que  pour  eux.  Et  pleust  a  Dieu  que  cela"  ne  fust  que  pour  la  moitie:  mais  de  tous  ceux  qui  se  nomment  Chrestiens,  on  voit  qu'en  toute  leur  vie  ils  sont  desbordez  et  dissolus,  et  se  moquent  pleinement  de  Dieu,  et  sont  contempteurs  de  toute  religion:  et  cependant  toutesfois  (comme  i'ay  desia  dit)  pensent  qu'on  leur  fait  grande  iniure,  si  on  ne  les  repute  bons  Chrestiens  et  catholiques.  Toutesfois  nous  voyons  que  S.  Paul  conioint  ces  deux  choses  d'un  lien  inseparable:  c'est  que  quand  nous  avons  la  foy  de  l'Evangile,  il  faut  quant  et  quant  que