5:251  EPISTOLA  L  quidquam  intelligit,  qualiter  nosse,  oportet.  Ao  simulacrum  quidem  nihil  esse  concedit:  sed  contra  obiicit,  aliquid  esse  simulacrorum  cultum:  cuius  obeundi  indoctis  ipsi  autores  essent.  Non  est,  inquit,  in  omnibus  scientia.  Quidam  vero  cum  idoli  conscientia,  quasi  simulacris  consecratum  manducant,  et  conscientia  ipsorum  quum  sit  infirma,  polluitur.  Si  quis  eam  viderit,  qui  scientiam  habet,  ia  simulacrorum  epulo  recumbentem,  nonne  conscientia  eius,  quum  sit  incertus,  aedificabitur  ad  manducandum?  et  peribit  infirmus  in  tua  conscientia  frater,  propter  quem  Christus  mortuus  est?  Sic  autem  peccantes  in  fratres,  et  vulnerantes  infirmas  eorum  conscientias,  in  Christum  delinquitis.  Ac  si  diceret:  Quod  omnes  gentium  de  diis  suis  persuasiones,  vana  esse  ac  frivola  commenta  (ut  re  vera  sunt)  ducitis,  vobis  id  solis  sapere  est:  quod  prae  vobis  palam  >  fertis,  ad  falsorum  deorum  cultum  quod  pertinerc  videri  possit,  id  vero  facitis  multorum  periculo.  Nam  qui  eiusmodi  spectaculo  rudes  adsunt,  et  simplices,  quum  nondum  vestram  illam  prudentiam  sint  assequuti,  qua  intelligant  idola  nihil  esse,  vos  autem  idolorum  sacris  communicare  videant:  quid  concipere  aliud  animo  possunt,  nisi  [pag.  16]  vos  idolorum  esse  cultores,  ac  proinde  vestro  exemplo  confirmari  ad  id  perpetrandum,  quod  conscientia  sua  iudice  damnatum  habeant?  Quare  illam,  quam  obtenditis,  prudentiam  nihil  moror:  quae  ut  captiosa  est  fratribus,  errandique  materiam  praebet,  ita  indigna  est  hominibus  christianis.  Quin  illa  quae  ab  indoctis  ad  imitationem  vestram  committitur,  impietas,  quando  vestra  culpa  contrahitur,  vobis  praestanda  est.  Iam  ergo  satis  perspicuum  est,  tametsi  publico  profitendae  religionis  munere  non  omnes  pariter  Christiani  defungi  necesse  habeant,  esse  tamen  privatam  quandam  confessionem,  quae  a  singulis  citra  exceptionem  postuletur:  quae  intra  quos  consistere  fines  debeat,  nullo  modo  definire  licet.  Propterea  quod  nec  eadem  omnes  ad  ipsam  edendam  gratia  praediti  sunt,  et  eius  ratio  bona  ex  parte  ab  occasionibus  pendet,  quae  non  omnibus  similes  obveniunt:  eatenus  certe  progredi  debet,  ne  quid  fidei  veritate  indignum,  ne  quid  religionis  nostrae  integritate  alienum,  a  nobis  vel  dicatur,  veLfiat.  Eius  confessionis  exempla,  quantum  coniicere  partim  ex  apostolorum  scriptis,  partim  ex  vetustis  historiis  possumus,  in  primis  illis  bene  institutis  ae  moratis  ecclesiis  praeclare  elucebant.  Nam  ut  non  leguntur  eius  saeculi  fideles  in  viis  ac  locis  publicis  de  sua  religione  declamitasse:  ut  etiam  Christianos  se  esse  dissimulasse  coram  iis,  quibus  evulgari  periculosum  esset,  leguntur:  ita  non  minore  studio  rursum  observabant,  ne  vel  adversus  suam  religionem  quidquam  designarent,  vel  alios  simularent  se  esse  quam  Christianos.  Et  sane  quo  numero  habeat  Dominus  eos,  qui  fidem  omni  confessione  vacuam  intus  continent,