49:251  251  EPIST.  PAULI  AD  ROMANOS  252  4.  Dei  enim  minister  est  in  bonum.  Hinc  et  magistratus  discere  possunt  qualis  sit  sua  vocatio.  Non  enim  sua  causa  dominantur,  sed  publico  bono.  Neque  effraeni  potentia  praediti  sunt,  sed  quae  subditorum  saluti  sit  obstricta.  Denique  Deo  et  hominibus  in  suo  principatu  sunt  obligati.  Nam  quia  a  Deo  legati  sunt,  et  negotium  eius  agunt,  rationem  ilii  sunt  reddituri.  Deinde  ministerium,  quod  illis  demandavit  Deus,  subditos  respicit  :  quare  illis  quoque  sunt  debitores.  Admonentur  autem  privati,  hoc  esse  divinae  benignitatis,  quod  adversus  sceleratorum  iniurias  principum  gladio  defenduntur.  Non  enim  frustra  gladium.  Altera  pars  functionis  magistratuum,  quod  debent  malorum  petulantiam  vi  comprimere,  qui  legibus  sponte  regi  se  non  patiuntur:  et  poenas  sumere  de  eorum  flagitiis,  quas  Dei  iudicium  requirit.  Nam  gladio  armatos  diserte  pronuntiat,  non  ad  inanem  modo  speciem,  sed  quo  maleficos  feriant.  Deinde  vindex  in  iram,  perinde  valet  ac  si  dictum  esset  exsequutor  irae  Dei.  Id  autem  probat  ab  usu  gladii,  quem  illis  Dominus  in  manum  tradidit.  Insignis  locus  ad  ius  gladii  comprobandum.  Nam  si  Dominus  magistratum  armando  gladii  quoque  usum  illi  mandavit,  quoties  sontes  capitali  poena  vendicat,  exercendo  Dei  ultionem  eius  mandatis  obsequitur.  Contendant  igitur  cum  Deo,  qui  sanguinem  nocentium  hominum  effundi  nefas  esse  putant.  5.  Itaque  necesse  est  subiici,  non  modo  propter  iram,  sed  etiam  propter  conscientiam.  6.  Propterea  enim  tributa  quoque  solvitis:  ministri  enim  Dei  sunt,  in  hoc  incumbentes.  7.  Reddite  ergo  omnibus  quod  debetur.  Qui  tributum,  tributum:  cui  vectigal,  vectigal:  cui  timorem,  timorem:  cui  honorem,  honorem.  5.  Itaque  necesse  est  subiici.  Quod  initio  praeceperat  de  praestanda  magistratibus  obedientia,  nunc  per  modum  collectionis  repetit:  sed  cum  expolitione:  quod  illis  sit  obediendum,  non  humanae  tantum  necessitatis  causa,  sed  ut  Deo  quoque  pareamus.  I  r  am  enim  posuit  pro  ultione,  quam  reposcere  possent  magistratus  ob  dignitatis  suae  contemptum:  ac  si  dixisset,  non  ideo  cedendum  esse,  quia  resistere  potentioribus  et  armatis  impune  non  liceat  :  quemadmodum  tolerari  solent  iniuriae,  quae  propulsari  nequeunt:  sed  sponte  obeundam  hanc  submissionem,  ad  quam  verbo  Dei  obstringitur  conscientia.  Ergo  etiamsi  exarmatus  esset  magistratus,  quem  impune  lacessere  et  contemnere  liceret,  nihilo  magis  esset  id  tentandum  quam  si  poenam  statim  imminere  cerneremus.  Non  enim  privati  est  hominis  abrogare  imperium  ei,  quem  Dominus  cum  potestate  nobis  praefecit.  Tota  autem  haec  disputatio  est  de  civilibus  praefecturis.  Itaque  frustra  inde  sacrilegam