41:251  251  PRAELECTIONES  252  post,  quum  Antiochus  nulla  causa  impulsus  rediit  in  Aegyptum.  Nam  hoc  modo  ostendit  se  nihil  aliud  captasse,  quam  occasionem,  et  tantum  distulisse  in  aliud  tempus,  quia  tam  cito  non  poterat  opprimere  nepotem  suum.  Hoc  igitur  unum  est.  Moed  possumus  accipere  pro  tempore  divinitus  praefixo,  sed  quoniam  posset  illa  expositio  videri  nimis  arguta,  ego  contentus  sum  vulgari  significatione.  Bedibit  igitur  ad  tempus,  et  veniet,  inquit,  in  Aegyptum,  sed  non  erit  posterior  expeditio  ut  prior,  quia  scilicet  effectu  carebit  totus  ille  apparatus  belli,  qui  incusserat  magnum  Aegypto  terrorem.  Occupaverat  enim  partem  regni,  et  iam  obsidebatur  rex  Ptolemaeus  Philometor,  quum  venit  Publius  Popilius,  de  quo  postea  angelus  disseret.  Nam  proximo  versu  additur  causae  redditio  quum  dicit  venturas  esse  naves  Cithim.  De  voce  Cithim  alibi  dictum  fuit.  Si  conferre  libeat  omnes  scripturae  locos,  nbi  haec  vox  occurrit,  reperiemus  a  Macedonia  usque  ad  ultimos  fines  Graeciae,  imo  usque  ad  Illyricum  gentes  omnes  illas  vocari  Cithim,  deinde  eadem  etiam  est  Italiae  ratio.  Et  veteres  usi  sunt  alio  nomine  in  Macedonibus.  Vocabant  enim  eos  Maketas,  et  putant  quidam  Mem  literam  esse  addititiam.  Sed  quidquid  sit  res  ipsa  demonstrat  Cithim  vocari  tam  Macedonas  quam  Graecos,  et  alios  transmarinos  populos.  Si  quis  de  voce  rixari  velit,  sinamus  contentiosis  suas  lites,  sed  tamen  non  poterunt  nobis  excutere  quod  iam  dixi,  nempe  ex  perpetuo  scripturae  tenore  certo  colligi,  Cithim  esse  et  Macedonas  et  Graecos  et  Italos.  Hic  autem  locus  dubitatione  caret,  quia  non  retentus  fuit  Antiochus  a  Graecis,  sed  a  Romanis.  Missi  autem  fuerant  legati  non  hac  tantum  de  causa,  sed  ut  specularentur  totum  statum  Graeciae  et  Asiae  minoris.  Res  enim  tunc  erant  in  Graecia  turbatae:  deinde  Romani  intenderant  animos  in  Achaiam.  Putabant  enim  Achaicum  conventum  nimis  potentem  esse.  Inter  legatos  erat  P.  Popilius,  vir  acri  ingenio,  ut  coniicere  licet,  sed  austero  et  fere  barbaro.  Ille  quum  ad  Antiochum  venisset  qui  tunc  obsidebat  Alexandriam,  et  tenebat  fere  puerum  regem  captivum,  usus  est  more  suo.  Nam  rex  Antiochus  benigne  eum  excepit,  et  comiter,  imo  blande,  ut  erat  servili  ingenio,  quemadmodum  diximus,  et  voluit  etiam  osculum  porrigere.  Repudiavit  omnia  illa  officia  Popilius,  et  iussit  facessere  privatam  familiaritatem.  Versatus  cum  eo  fuerat  familiariter  Antiochus  quum  esset  obses  Romae,  patre  vivo.  Ille  autem  reiecit  illas  omnes  regis  blanditias.  Postea  exposuit  illi  senatus  mandata,  et  iussit  ut  statim  discederet  ex  Aegypto.  Rex  dicit  se  consideraturum  cum  amicis.  Ille  autem,  ut  nihil  poterat  remittere  e  solita  austeritate,  circulum  duxit  sua  virga,  quam  gestabat  manu,  et  iussit  regem  vocare  suos  consiliarios,  et  illic  eodem  articulo  temporis  deliberare,  alioqui  se