27:251  251  SERMON  LXXXVIII.  252  cause  ici  nous  soit  pour  recommandee.  Or  par  ci  devant  nous  avons  ouy  ce  qui  estoit  dit  des  fauxprophete  ��:  que  si  quelcun  troubloit  l'Eglise  de  Dieu,  il  devoit  estre  lapide  sans  aucune  remission.  Maintenant  Dieu  exprime  encores  plus  qu'il  n'avoit  dit:  c'est  que  nous  devons  mettre  sous  le  pied  toutes  affections  de  nature,  quand  il  est  question  de  son  honneur:  que  le  pere  n'espargne  point  son  enfant,  ni  un  frere  l'autre,  ni  le  mari  sa  propre  femme,  quand  il  aura  quelque  ami  qui  luy  soit  cher  comme  sa  vie,  qu'il  le  mette  a  mort.  Et  c'est  bien  raison:  car  toutes  les  amitiez  de  ce  monde  ne  procedent-elles  pas  de  cest  ordre  de  nature  qui  a  este  establi  par  le  createur?  Il  faut  donc  (si  nous  ne  voulons  mettre  la  charrue  devant  les  boeufs)  commencer  tousiours  a  Dieu.  Et  8.  Paul  ne  dit  point  sans  cause  que  tout  parentage  vient  de  la,  qu'il  procede  de  ceste  source.  Et  aussi,  quand  nous  aurons  quelque  amitie,  il  nous  la  faut  rapporter  a  ce  but-la,  que  Dieu  tousiours  tienne  le  degre  souverain,  et  que  nous  soyons  conioints  en  luy:  et  maudite  soit  toute  conionction,  laquelle  nous  separe  de  celuy  qui  nous  a  creez,  auquel  consiste  toute  nostre  vie,  nostre  bien,  et  toute  nostre  ioye.  Si  donc  un  mari  aime  sa  femme  sans  regarder  a  Dieu,  il  est  digne  d'estre  reiette  entre  les  bestes  brutes.  Autant  en.  est-il  d'un  pere  qui  n'a  point  ceste  fin  semblable  quand  il  aimera  ses  enfans.  Si  nous  sommes  alliez  ensemble,  et  que  l'un  donne  la  main  a  l'autre,  pour  dire  que  ce  ne  soit  qu'une  ame  en  deux  corps,  par  maniere  de  dire,  et  cependant  que  Dieu  soit  la  laisse  sans  qu'on  pense  a  luy:  ne  voila  point  une  brutalite  trop  villaine?  Ce  n'est  point  donc  sans  cause  que  notamment  Dieu  a  declaire  que  son  honneur  doit  estre  prefere  a  toutes  considerations  humaines.  Et  notons  bien  les  mots  qui  sont  ici  couchez:  car  ils  poisent  beaucoup.  Moyse  pouvoit  dire  simplement:  Si  ton  frere,  ou  ta  femme,  ou  ton  fils,  ou  quelque  tien  ami  te  solicite,  et  te  veut  desbaucher:  or  il  adiouste  qui  emporte  beaucoup  plus  grande  vehemence:  Si  ton  frere  (dit-il)  fils  de  ta  mere,  qui  aura  tourne  en  un  mesme  ventre  avec  toy.  A  quel  propos  cela,  sinon  que  Dieu  veut  comme  sonder  nos  affections,  qu'il  entre  iusques  en  nos  entrailles,  pour  dire:  Ie  verray  si  vous  m'aimez  mieux  que  vous  ne  faites  pas  des  charongnes.  Car  qui  est  ton  frere?  C'est  une  creature.  mortelle  :  ie  verray  s'il  te  sera  plus  precieux  et  plus  cher  que  moy.  Voire,  mais  i'ay  tourne  en  un  mesme  ventre  que  luy.  Il  est  vray:  mais  ne  faut-il  point  que  ie  surmonte,  et  que  i'obtienno  tousiours  de  degre  souverain  ?  Autant  en  est-il  quand  il  dit  :  Ton  propre  fils,  ta  propre  fille,  ta  femme  qui  dort  en  ton  sein.  Il  pouvoit  bien  nommer  la  femme  simplement:  mais  il  dit:  Non,  il  faut  que  tu  oublies,  et  que  tu