15:251  251  EPISTOLAE  2020.2021  252  nous  seroit  ouverte  par  tout  vostre  pais  comme  a  ung  chascung:  mais  pource  que  ceux  desquels  nous  avons  a  nous  plaindre2)  se  dressent  notamment  contre  la  doctrine3)  que  nous  portons,  ce  qui  ne  doibt  point  estre  tire  en  proces  ne  plaidoie,  voila  pourquoy  nous  avons  pense  davoir  refuge  a  vos  Excellences.  Il  nest  ia  besoing,  magnifiques  seigneurs,  de  vous  remonstrer  quel  blasme  et  ignominie  retourne  au  sainct  Evangile,  quant  les  prescheurs  du  pais  de  Berne  et  autres  subiects  appelleront  les  prescheurs  de  G-eneve  heretiques,  car  vous  le  voiez  assez  selon  vostre  prudence.  Quant  il  y  auroit  quelque  different  touchant  la  doctrine,  voiant  comme  nous  sommes  tant  espiez  et  aboiez  des  ennemis  de  la  foy,  encores  fauldroit  il  pour  leur  clorre  la  bouche  user  de  prudence  et  moderacion.  Mais  puis  que  Dieu  nous  a  faict  ceste  grace,  dung  coste  et  dautre,  destre  uniz  de  bon  accord,  ceulx  qui  crient  et  tempestent  contre  nous,  non  seullement  monstrent  quilz  ne  demandent  que  troubles  et  scandales,  mais  aussy  quilz  sont;  comme  boutefeux  pour  rompre  la  saincte  union  que  Dieu  a  mise  entre  nous.  Vos  prescheurs,  par  la  grace  de  Dieu,  sont  ensemble  de  bon  accord.  Scachez  deulx  comme  ils  en  sont  avec  nous,  car  sils  ne  vous  protestent  quil  y  a  une  droicte  fraternite  et  ung  consentement  aussi  paysible  quon  le  gcauroit  demander,  nous  ne  requerons  point  destre  favorisez  par  voz  Excellences.  Mais  silz  vous  declairent,  comme  nous  sommes  bien  asseurez  quilz  le  feront,  quil  ni  a  nulle  pieque  ny  contradiction,  ce  vous  doibt  estre  ung  argument  certain  que  ceulx  qui  nous  calumnient,  ne  cherchent  ne  vostre  honeur,  ne  vostre  proffit,  ne  vostre  repoz.  De  nostre  part  nous  pouvons  bien  protester  que  nous  avons  tousiours  tasche  destre  coniointz  selon  la  verite  de  Dieu  avec  tous  vos  ministres,  tellement  quen  vous  priant  quil  vous  plaise  prendre  nostre  cause  en  main,  nous  ne  vous  requerons  sinon  de  maintenir  tant  lhonneur  de  Dieu  que  le  vostre.  Or  le  cas  auquel  nous  vous  prions  de  pourvoir  est  tel.  En  une  congregacion  de  la  classe  de  Morges,  en  presence  de  grand  nombre  de  gens,  quelcung4)  a  tellement  diffame  nostre  frere  maistre  Iean  Calvin  que  le  bruit  est  commun  par  le  pais  quil  est  condamne  comme  hereticque,  comme  aussi  ce  mot  fut  alors  souvent  reitere.  Depuis  Zebedee,5)  prescheur  deNion,  aux  nopces  du  fils  et  de  la  fille  du  seigneur  de  Cran,6)  parlans  de  la  doctrine  que