10.1:251  CONSILIA.  ordonnances  faictes  sur  cela  lesquelles  ont  este  emologuees  par  les  empereurs.  Ainsi  les  prestres  et  moines  usurpans  a  faulses  enseignes  et  sans  tiltre  competent  ce  qui  ne  leur  appartenoit  point,  mal  gouvernant  ce  quilz  avoient  mal  occupe,  nont  peu  faire  par  leur  mesnes  que  ce  qui  avoit  este  bien  ordonne  et  mesme  ce  qui  estoit  fonde  en  lautorite  de  Dieu  fust  casse  ou  aneanti.  Mais  tousiours  cela  ^st  demeure  que  cestoient  oblations  sanctifiees  a  Dieu  quil  nest  licite  de  profaner.  Qui  est  aussi  la  cause  pourquoy  nous  condamnons  les  moines  et  prestres  comme  sacrileges.  Daultant  qu'en  ne  servant  point  a  leglise  ilz  ont  devore  le  bien  qui  estoit  depute  aux  vrais  ministres.  Et  avec  cela  ont  ravy  la  substance  des  paovres  et  lont  consumee  en  gourmandises  pompes  dissolutions  et  choses  encor  plus  villaines.  Parquoy  loffice  des  princes  est  de  reduire  tel  bien  a  sou  usaige  naturel  plustost  que  de  succeder  au  lieu  de  ceux  que  nous  reprenons  iustement.  Et  si  personne  ne  leur  contredict  en  ce  monde  quilz  craignent  que  Dieu  ny  mecte  la  main.  Quant  aux  particuliers  il  y  a  bien  grant  dangier  den  .  .  .  .  !  )  ses  mains.  Car  celuy  qui  en  meslera  parmy  ses  biens  pour  senrichir  d'aultant  sera  tout  esbahi  quil  diminuera  au  double  et  au  triple.  Car  iammais  Dieu  ne  permectera  quun  tel  moien  prospere  a  la  longue.  Ainsi  que  nous  estimions  plus  la  grace  de  Dieu  et  sa  benediction  que  des  richesses  mauldictes  lesquelles  se  fondent  sans  quon  scache  comment  et  confondent  leurs  possesseurs.  Finallement  oultre  le  mal  et  loffense  presente  nous  avons  a  considerer  le  scandale  que  nous  donnons  aux  infideles.  Car  nous  les  recullons  de  levangile  daultant  quil  semble  que  nous  ayons  cherche  la  mutation  pour  avoir  occasion  de  pescher  en  eau  trouble  comme  dict  le  proverbe.  Cest  que  nous  ayons  cherche  le  moien  de  butiner  les  biens  de  leglise  comme  silz  estoient  exposez  en  proye.  Il  y  a  semblablement  le  maulvais  exemple  que  nous  monstrons  a  ceux  qui  viendront  apres  nous.  Car  puis  que  Dieu  nous  a  faict  la  grace  de  nous  appeller  les  premiers  a  la  cognoissance  de  sa  parole,  daultant  serons  nous  plus  coupables  si  nous  introduisons  un  tel  vice  que  lez  aultres  suivent,  se  fondant  sur  ce  que  nous  aurons  faict.  COMMENT  UNG  IUGE  OU  CONSEILLIER  FIDELE  SE  DOIBT  PORTER  QUAND  COMMISSION  LUY  EST  ADDRESSEE  DE  COGNOISTRE  ENTRE  DEUX  PLAIDANS  DUNG  BENEFICE.  2)  L'endroict  de  la  lettre  de  Monsieur  Bartonnier  ayant  este  communique  a  la  compagnie  des  pasteurs  1)  mot  Uiisible  (soullier?)  2)  Bibi  de  Geneve  God.  145,  fol  140.  Copie  contemporains.  Le  titre  est  inserit  au  dos  d'une  autre  main  egalement  ancienne.