9:250  Hildeshemensis  ille  vesana  laetitia  exsultans,  indignus  fuit  quocum  verbum  facerem:  ut  [pag.  322]  cumuli  vice  ad  iustam  mensuram  additae  fuerint  duae  responsiones.  Reliquil)  ubi  viderint,  quidquid  sibi  visi  sunt  plausibiliter  obiicere,  abunde  esse  refutatum,  sibi  nihil  peculiariter  responsum  esse  in  lucro  ponant.  Quam  vero  cupidi  sint  certaminum  quae  totum  orbem  perturbent,  ex  furiosis  eorum  instigationibus  apparet.  Neque  enim  dissimulant,  nulla  re  se  gravius  cruciari,  quam  quod  in  easdem  trahere  pugnas  nequeant  quobcunque  vellent.  Et  quo  minus  proditionis  accusent  quicunque  a  nobis  dissentiunt,  non  aliud  obstat,  quam  quod  suam  paucitatem  detegere  verentur  magno  cum  probro.  Ut  taceamus  nos,  istorum,  qui  etiam  in  dissensione  pacem  fovent,  silentio  satis  damnatur  Westphalicae  factionis  intemperies.  Prudenter  enim  considerant  quod  res  est,  quum  utrinque  inter  nos  conveniat,  vere  nobis  offerri  in  coena  Christi  corpus  et  sanguinem,  quorum  bubbtantia  animae  nostrae  pascantur,  [pag.  323]  tantum  in  modo  manducationis  differant  nostrae  sententiae,  non  esse  hanc  sibi  iustam  digladiandi  causam.  Si  fiat  iusta  comparatio,  permulta  sunt  quae  iure  nos  ad  dimicandum  acrius  impellant.  Nec  tamen  per  me  stabit,  donec  spes  aliqua  pacificandi  ostensa  fuerit,  quo  minus  salva  inter  nos  benevolentia  maneat.  Atque  idem  ego,  qui  indigne  provocatus  vehementior  fui  in  hoc  scripto  quam  ferebat  voluntas,  si  mihi  ad  amicam  disceptationem  locus  ac  dies  indictus  fuerit,  praesto  me  statim  fore  profiteor  ac  spondeo:  et  quidem  ea  animi  lenitate  praeditum  quae  optabilem  piae  sanctaeque  consensionis  successum  non  moretur.  Neque  enim  is  sum  qui  intestinis  dissidiis  oblecter,  vel  quem  eorum  qui  mihi  subscribunt  gratulationes  sic  titillent,  ut  materiam  palmarum  ex  certaminibus  libenter  captem.  Quin  potius  eorum  qui  sedandis  contentionibus  suam  autoritatem  interponere  debuerant  cunctatione  [pag.  324]  hanc  mihi  necessitatem  iniungi  apud  me  deploro.  Saepius  de  pacificatorio  aliquo  conventu  sparsi  sunt  rumores.  Nec  vero  credibile  est,  tantam  esse  in  principibus  segnitiem,  quin  eorum  animos  tam  calamitosa  ecclesiae  dissipatio  ad  curandum  remedium  sollicitet.  Ergo  sicuti  non  dubito  rem  in  eorum  consiliis  fuisse  non  semel  agitatam,  ita  quid  remoram  attulerit  nescio:  nisi  quod  magno  cum  dolore  video,  dum  alii  sibi  pertinacius  addicti  sunt,  sinistris  alii  suspicionibus  indulgent,  rem  utilissimam  vel  negligi,  vel  etiam  respui.  Caeterum,  quibus  tolera-  1)  Scil  Hamburgenses,  Lubecenses,  Luneburgenses,  Brunsvicenses,  Hannoverenses,  Vismarienses,  Sverinenses,  Husumenses,  Ditmarienses,  Northusani,  quorum  su  cunctae  declarationes  exhibentur  1.  c.  O.  6  .  S.  3.