52:250  commendat  ac  si  esset  alter  ipse.  Sed  qui  conveniet  hoc  cum  sententia  Christi:  Nolite  vobis  patrem  vocare  in  terra  (Matth.  23,  9)?  Item  cum  illo  apostoli  testimonio  (1.  Cor.  4,  15):  Et  si  multos  habetis  patres  secundum  carnem  :  unus  tamen  est  pater  spirituum  ?  Respondeo,  Paulum  ita  sibi  usurpare  nomen  patris,  ut  Deo  nullam  honoris  sui  particulam  abroget  aut  minuat.  Vulgare  dictum  est,  non  pugnare  quod  subordinatur.  Tale  est  paternum  in  Paulo  nomen,  respectu  Dei.  Unicus  in  fide  pater  omnium  est  Deus,  quia  omnes  verbo  suo  et  spiritus  sui  virtute  regenerat:  quia  solus  est  qui  fidem  confert.  Sed  quibus  ad  eam  rem  dignatur  uti  ministris,  eos  in  honoris  sui  communicationem  etiam  admittit,  nihil  tamen  sibi  derogando.  Erat  ergo  Deus  spiritualis  Timothei  pater:  et  quidem  solus,  proprie  loquendo.  Sed  Paulus,  qui  minister  fuerat  Dei  in  gignendo  Timotheo,  quasi  subalterno  iure  titulum  sibi  vendicat.  Gratia,  misericordia.  Secundum  hoc,  hoc  est^  misericordiae  nomen,  praeter  suum  morem  interposuit,  forte  singulari  erga  Timotheum  amore  impulsus.  Porro  non  servat  exactum  ordinem:  quod  enim  posterius  est,  priore  loco  posuit,  gratiam  scilicet  quae  ex  misericordia  manat  Nam  ideo  nos  in  gratiam  initio  recipit  Deus,  et  deinde  amore  nos  prosequitur,  quia  misericors  est.  Verum  non  est  insolitum,  causam  subiungi  effectui,  explicationis  causa.  De  vocabulis  gratiae  et  pacis,  alibi  dictum  est.  3.  Quemadmodum  rogavi  te.  Vel  oratio  est  defectiva:  vel  particula  eva  abundat.  Utroque  modo  sensus  erit  clarus.  Primo  reducit  Timotheo  in  memoriam  qua  de  causa  Ephesi  manere  rogatus  fuerit.*)  Nam  quia  adiutorem  sibi  tam  earum  et  fidelem  nonnisi  aegre  et  necessitate  coactus  a  se  dimiserat,  ut  vices  illic  suas,  quibus  sustinendis  non  alius  quilibet  par  fuisset,  strenue  obiret:  acriter  stimulari  hac  cogitatione  debuit  Timotheus,  non  solum  ne  frustra  tempus  tereret,  sed  praeclare  nec  vulgari  modo  se  gereret.  Hinc  itaque  quasi  per  modum  illationis  hortatur,  ut  se  opponat  falsis  doctoribus  qui  puram  doctrinam  adulterabant.  In  eo  quod  Timotheo  Ephesi  manl)  Non  enim  frustra  eum  a  se  dimiserat,  sed  potius  ut  vices  illic  suas  sustineret.