50:250  tationem  debet,  ut  eius  salutem  lupi  exitio  redimi  cupiam?  Neque  tamen  hoc  modo  quemquam  velim  perditum  :  sed  ecclesiae  amor  et  sollicitudo  me  rapit  quasi  in  ecstasin,  ut  nihil  aliud  curem.  Nemo  igitur  verus  erit  ecclesiae  pastor  qui  non  simili  zelo  ardeat.  Ubi  transtuli  qui  vos  c  o  n  t  u  r  b  a  n  t  ,  verbum  graecum  de  gradu  vel  de  statu  dimovere  significat.  Amplificandi  vero  causa  interposuit,  etiam  cupiens  non  solum  eos  loeo  deiici,  sed  prorsus  abscindi  et  resecari.  13.  Vos  enim  in  Ubertatem  vocati  estis,  fratres:  tantum  ne  Ubertatem  in  occasionem  detis  carni:  sed  per  caritatem  servite  vobis  invicem.  14.  Nam  tota  lex  in  uno  verbo  completur,  nempe  hoc  Diliges  proximum  tuum  sicut  te  ipsum.  15.  Quod  si  alius  alium  vicissim  mordetis,  et  devoratis,  videte  ne  vicissim  alius  ab  alio  consumamini.  16.  Dico  autem,  spiritu  ambulate  :  et  concupiscentiam  carnis  non  perficietis.  17.  Nam  caro  concupiscit  adversus  spiritum:  spiritus  autem  adversus  carnem.  Haec  mutuo  inter  se  adversantur:  ut  non  quaecunque  volueritis,  eadem  faciatis.  18.  Quod  si  spiritu  ducimini,  non  estis  sub  lege.  13.  Vos  in  libertatem.  Nunc  admonet  qualiter  libertate  sit  utendum.  Docuimus  in  priore  ad  Corinthios,  aliud  esse  libertatem,  aliud  ipsius  usum.  Nam  libertas  in  conscientia  est  Deumque  respicit:  usus  autem  est  in  rebus  externis,  et  negotium  habet  cum  hominibus,  non  cum  solo  Deo.  Postquam  ergo  hortatus  est  Galatas  ne  paterentur  quidquam  delibari  ex  sua  libertate,  nunc  iubet,  in  usu  moderatos  esse.  Regulam  porro  legitimi  usus  praescribit,  ne  in  praetextum  vel  occasionem  licentiae  vertatur.  Neque  enim  carni  data  est  libertas,  quae  potius  sub  iugo  teneri  captiva  debet:  sed  spirituale  est  bonum,  cuius  tantum  piae  mentes  sunt  capaces.  Sed  per  caritatem.  Exponit  rationem  temperandae  libertatis,  ne  in  vagum  et  licentiosum  abusum  diffluat:  nempe  si  regatur  a  caritate.  Meminerimus  semper  ipsum  nunc  tractare,  non  quomodo  simus  coram  Deo  liberi,  sed  quomodo  usurpare  libertatem  nostram  liceat  inter  homines.  Nam  conscientia  recta  non  admittit  ullam  servitutem:  sed  usus  externi  servitus  vel  abstinentia  nibil  habet  periculi.  Summa  igitur  est,  si  caritate  serviamus  nobis  invicem,  nos  aedificationis  rationem  semper  habituros.  Ita  fiet  ut  non  lasciviamus,  sed  gratia  Dei  utamur  in  eius  honorem  et  salutem  proximorum.  14.  Nam  tota  lex.  Subaudienda  est  tacita  antithesis  inter  hanc  Pauli  exhortationem  et  doctrinam  pseudoapostolorum.  Nam  quum  illi  solis  caeremoniis  insisterent,  Paulus  hic  obiter  perstringit  quae  sint  vera  Christianorum  officia  et  exercitia.  Huc  igitur  spectat  praesens  caritatis  commendatio,