47:250  rus  sit  salutis  nostrae  fidelis  custos:  nam  in  manu  sua  ipsam  esse  testatur.  Quod  si  hoc  nondum  sufficiat,  patris  virtute  tuto  servatum  iri  dicit.  Insignis  locus,  quo  docemur  non  minus  certam  esse  electorum  omnium  salutem  quam  invicta  est  Dei  potentia.  Porro  non  voluit  Christus  hanc  vocem  temere  in  aere  iactare,  sed  promissionem  dare  suis  quae  penitus  infixa  eorum  animis  insideat.  Ergo  colligimus  eo  spectare  sententiam  Christi,  ut  electis  firma  constet  salutis  certitudo.  Validis  quidem  hostibus  sumus  circumdati,  et  tanta  est  nostra  imbecillitas,  ut  singulis  momentis  parum  distemus  a  praesenti  morte:  sed  quia  maior  sive  potentior  est  omnibus,  qui  depositum  nostrum  servat,  non  est  quod  trepidemus  quasi  in  periculo  sit  vita  nostra.  Hinc  etiam  colligimus  quam  insana  sit  papistarum  fiducia,  quae  in  liberum  arbitrium,  in  virtutem  propriam,  et  operum  merita  recumbit.  Longe  aliter  suos  Christus  instituit,  ut  se  in  hoc  mundo  tanquam  in  media  silva  inter  innumeros  latrones  esse  meminerint.  Ac  praeterquam  quod  sunt  inermes  praedaeque  expositi,  materiam  mortis  in  se  inclusam  esse  agnoscant,  ut  una  Dei  custodia  freti  secure  ambulent.  Denique  ideo  certa  nobis  salus,  quia  in  manu  Dei  est,  quia  et  fides  nostra  infirma  est  et  nos  ad  vacillandum  nimis  proclives.  Sed  Deus  qui  nos  in  manum  suam  recepit  satis  robustus  est,  ut  solo  flatu  omnes  hostium  nostrorum  machinas  discutiat.  Huc  convertere  oculos  operae  pretium  est,  ne  tentationum  metus  nos  exanimet.  Nam  et  Christus  modum  ostendere  voluit  quo  inter  lupos  oves  quiete  versentur.  Et  nemo  potest  rapere  e  manu  patris.  Copula  illativae  particulae  loco  hic  posita  est.  Nam  ex  invicta  Dei  potentia  colligit  Christus,  hostium  libidini  non  esse  obnoxiam  piorum  salutem,  quia  necesse  foret  Deum  vinci,  qui  nos  sub  manus  suae  tutela  habet.  30.  Ego  et  pater  unum  sumus.  Voluit  impiorum  sannis  occurrere.  Iactare  enim  poterant,  nihil  ad  ipsum  pertinere  Dei  potentiam,  ut  discipulis  suis  promitteret  certum  eius  praesidium.  Testatur  ergo  sibi  ita  coniunctas  esse  cum  patre  rationes,  ut  eius  auxilium  sibi  ac  suis  ovibus  nunquam  defuturum  sit.  Abusi  sunt  hoc  loco  veteres,  ut  probarent  Christum  esse  patri  O[LOOUGLOV.  Neque  enim  Christus  de  unitate  substantiae  disputat,  sed  de  consensu  quem  cum  patre  habet:  quidquid  scilicet  geritur  a  Christo  patris  virtute  confirmatum  iri.  31.  Sustulerunt  ergo  iterum  lapides  Iudaei,  ut  lapidarent  eum.  32.  "Respondit  eis  Iesus:  Multa  bona  opera  ostendi  vobis  ex  patre  meo:  propter  quod  eorum  operum  lapidatis  me?  33.  "Responderunt  ei  Iudaei,  dicentes:  Non  boni  operis  causa  lapidamus  te,  sed  blasphemiae:  et  quod  tu,  quum  homo  sis,  facis  te  ip-  ?49