27:250  recommandation,  que  tout  le  reste  ne  nous  soit  rien  au  prix:  ce  qui  se  fera  quand  nous  adhererons  constamment  a  sa  parolle  pour  nous  y  tenir,  encores  que  nous  soyons  assaillis  de  tous  costez,  et  mesmes  qu'il  nous  faille  resister  au  mal  que  nous  prevoyons  de  loin,  afin  qu'il  ne  couve  point  au  milieu  de  nous.  Que  donc  nous  advisions  de  nous  y  employer  chacun  en  son  endroict:  et  alors  ne  doutons  point  que  Dieu  ne  nous  conferme,  et  nous  fortifie  en  la  foy  que  nous  avons  receue  de  luy,  pour  estre  constans  iusques  en  la  fin,  en  sorte  que  nous  serons  bien  munis  contre  tous  les  assauts  et  de  Satan,  et  de  ses  supposts.  LE  TROISIESME  SERMON  SUR  LE  CH.  XIII.  V.  6.11.  DU  MERCREDI  16��  D'OCTOBRE  1555.  Si  nous  avions  en  nous  le  zele  duquel  il  est  parle  au  Psaume,  c'est  assavoir  que  nous  prinssions  les  opprobres  faits  a  Dieu,  comme  s'ils  s'adressoyent  a.  nos  personnes  :  ceste  loy  ici  seroit  quasi  superflue.  Car  chacun  de  son.  bon  gre  tascheroit  a  maintenir  l'honneur  de  Dieu.  Or  maintenant  quand  il  semble  a,  beaucoup  de  gens  que  ceste  rigueur  soit  trop  excessive,  de  mettre  a  mort  ceux  qui  ont  trouble  la  religion,  et  l'ont  pervertie:  par  cela  on  voit  que  l'honneur  de  Dieu  nous  est  en  mespris,  et  que  nous  n'en  tenons  pas  grand  conte.  Car  chacun  voudra  que  son  honneur  luy  soit  garde:  et  si  on  nous  a  outrage,  il  semble  que  iamais  on  ne  viendra  a  temps,  pour  y  mettre  remede.  Si  on  nous  fait  quelque  tort  ou  iniure,  nous  voudrions  qu'un  chacun  s'empesehast  pour  nous  maintenir:  et  si  l'honneur  de  Dieu  est  foulle  au  pied,  cela  s'escoule.  Nous  voyons  donc  combien  nous  sommes  froids  et  lasches:  mais  ceste  laschete  encores  merite  un  nom  beaucoup  plus  villain.  Car  si  quelcun  souffre  que  son  pere  soit  vilipende,  on  dira  qu'il  n'est  pas  digne  de  vivre  au  monde:  car  il  renonce  nature.  Et  voila  Dieu  qui  sera  comme  deschire  par  pieces,  d'autant  que  les  meschans  s'eslevent  pour  dissiper  l'union  de  la  foy,  en  laquelle  il  veut  estre  cogneu,  et  par  laquelle  il  veut  regner  sur  nous:  et  cela  est  endure.  N'est-ce  pas  signe  que  nous  voudrions  (en  tant  qu'en  nous  est)  que  iamais  ne  fust  memoire  d'un  Dieu?  Mais  d'autant  qu'il  y  a  si  peu  de  zele  en  nous,  voila  pourquoy  ceste  loy  nous  est  donnee:  et  Dieu  declaire  qu'il  n'oublie  point  sa  maieste,  qu'il  veut,  si  elle  est  violee,  que  la  punition  en  soit  faite:  ou  bien  il  declaire  qu'il  nous  desadvoue  pour  son  peuple,  sinon  que  ceste