8:25  25  DE  SCANDALIS.  2G  vitam  nihilominus  tot  saeculis  duxisse,  fieri  non  potest,  quin  divinitus  fuisse  servatam  colligamus.  Hanc  Dei  virtutem  magis  illustrant  aliae  circumstantiae:  quod  quum  undique  lethalibus  periculis  impetita,  quibus  subinde  obrui  poterat,  toto  prope  mundo  invito  et  contra  nitente,  semper  tanquam  ex  naufragio  evasit.  Nihil  dico,  quod  non  facile  secum  agnoscat,  quisquis  ante  suos  oculos  temporum  omnium  historias  subiicere  volet.  Illa  vetus  ecclesiae  querimonia  est  (Psal.  129),  quod  a  iuventute  subinde  oppugnata  fuerit,  ac  infestos  habuerit  impios,  quod  super  dorsum  suum  araverint,  ac  longe  protraxerint  sulcos  suos.  Hac  voce  Dei  spiritus  pios  sub  gravissimis  aerumnis  gementes  excitare  voluit,  ut  omnes  aetatum  gradus  ab  initio  mundi  percurrendo  ecclesiam  agnoscerent  semper  patiendo  vicisse.  In  hanc  meditationem  incumbere  nos  decet:  ut  si  quando  nos  praesens  temporis  nostri  conditio  angit,  eorum  recordatio,  quae  iam  olim  experti  sunt  patres  nostri,  nos  reficiat.  Itaque,  collectam  omnium  temporum  descriptionem  habere  expediet:  [pag.  27]  ut  inde  sibi  quisque  nostrum,  quoties  res  et  usus  postulabunt,  exempla  levandis  nostris  miseriis  apta  ante  oculos  subiiciat.  Verum,  antequam  ultra  progrediar,  notare  operae  pretium  est,  unde  tam  crebrae  variaeque  mutationes,  quibus  subinde  circumagitur  et  quasi  rotatur  Dei  ecclesia,  proveniant.  Huius  vero  rei  cognitio  non  ex  remotis  vel  obscuris  coniecturis  petenda  est,  quum  assiduae  hominum  a  Deo  defectiones  perpetuum  alioqui  gratiae  eius  tenorem  interruperint:  idque  ab  ipso  prope  mundi  exordio  animadvertere  licet.  Quum  de  Seth  et  filio  eius  Enos,  loquitur  Moises,  tunc  coeptum  esse  invocari  Dei  nomen  recitatur  (Gen.  4,  26)  quo  intelligimus  verum  Dei  cultum  (qui  in  maledicta  Caini  progenie  quodammodo  interciderat)  rursus  ex  integro  fuisse  restitutum,  ut  in  mundo  vigeret  ac  floreret.  Vix  octo  generationes  praetereunt,  quum  omnes  eorum  posteri,  quos  Deus  sibi  in  filios  segregaverat,  ita  se  in  omne  scelerum  genus  proiiciunt,  ut  orbem  totum  suis  flagitiis  pollutum  diluvio  secum  perdant.  Quum  ad  octo  animas  redacta  esset  ecclesia,  sic  purgata  saltem  esse  videbatur,  ut  exiguum  illud  semen  quod  restabat  nihil  ex  se  nisi  meram  sanctitatem  proferret.  Atqui,  mox  quarta  parte  minuitur.  Posteri  quoque  Iapheth  paulo  post  diffluunt.  Hesidua  erat  familia  Sem,  quae  non  multo  post  tempore  sic  ipsa  quoque  degenerat,  ut  merito  a  Deo  magna  pars  abdicetur.  Quum  genus  Abrahae  ex  Aegypto  mirifica  potentia  eductum  traiecto  mari  rubro  in  haereditatem  sibi  promissam  pergit,  quis  non  ex  talibus  auspiciis  perpetuitatem  felicis  status  divinet?  Atqui  illi  ipsi,  in  quibus  liberandis  tam  praeclarum  virtutis  suae  specimen  Deus  ediderat,  nullum  peccandi  finem  faciunt:  donec  horrendis  modis  in  deserto