6:25 CATECHISMUS GENEVENSIS. L'ENFANI . Ouy. D'autant qu'il falloit que la desobeissance, commise contre Dieu par l'homme, fust reparee en la nature humaine (Rom. 5, 15). Et aussi il ne pouvoit estre autrement nostre Mediateur, pour nous conioindre a DIEU son Pere (1 Tim. 2, 5; Hebr. 4, 4 et 5, 1). LE MINISTRE. Tu dis donc qu'il falloit que IESUS Christ fust homme, pour accomplir l'office de Sauveur, comme en nostre propre personne. L'ENFANT. Voire. Car il nous faut recouvrer en luy tout ce qui nous defaut en nous-mesmes. Ce qui ne se peut autrement faire. LE MINISTRE. Mais pourquoy cela s'est-il faict par le sainct Esprit, et non point par oeuvre d'homme, selon l'ordre de nature? L'ENFANT. Pource que la semence humaine est d'elle mesme corrompue, il falloit que la vertu du sainct Esprit intervint en ceste conception, pour preserver nostre Seigneur de toute corruption, et le remplir de sainctete. LE MINISTRE. Ainsi il nous est demonstre, que celuy qui doit sanctifier les autres, est exempt de toute macule: et du ventre de sa mere est consacre a Dieu en purete originelle: pour n'estre point subiect a la corruption universelle du genre humain. L'ENFANT. Ie l'entens ainsi. LE MINISTRE. *) [fol. 11] Comment est-ce qu'il est nostre Seigneur? L'ENFANT. Comme il a este constitue du Pere, afin qu'il nous ait en son gouvernement, pour exercer le Royaume et la seigneurie de Dieu, au ciel et en la terre: et pour estre chef des Anges et des fideles (Ephes. 5, 22; Coloss. 1, 18). LH MINISTRE. Pourquoy de la nativite viens-tu incontinent a la mort, laissant toute l'histoire de sa vie? L'ENFANT. Pource qu'il n'est icy parle que de ce qui est proprement de la substance de nostre redemption. LE MINISTRE. Pourquoy n'est-il dict simplement en un mot,