58:25  25  DE  IACOB  ET  ESAU.  26  ragees,  lesquelles  nous  environnent  de  tous  costez?  Nous  voions  quelle  est  leur  cruaute,  et  comment  ils  sont  insatiables  en  leur  avarice:  a  quoy  tient-il  que  nous  -ne  sommes  abismez  tous,  sinon  d'autant  que  Dieu  destourne  leur  fureur,  et  qu'il  fait  les  adresser  ou  bon  lui  semble?  Il  les  fera  quelquefois  hurter  l'un  contre  l'autre  :  apres  il  les  tient  la  comme  des  lions  qui  seroient  enchainez,  et  tenus  en  des  barreaux  de  fer.  Voila  donc  comme  encor  auiourd'hui  Dieu  pousse  et  chasse  les  incredules,  la  ou  il  veut  sans  violence:  pour  le  moins  sans  qu'ils  s'en  apercoivent.  Ainsi  en  a-il  este  lors  d'Ismael.  Car  nous  avons  desia  declare  qu'il  ne  demandoit  sinon  de  renverser  et  abolir  la  promesse  de  Dieu,  qui  avoit  este  donnee  a  Isaac  :  et  cependant  il  n'y  tasche  point,  et  pourquoi?  D'autant  qu'il  ne  lui  est  point  permis  d'enhaut,  que  Dieu  le  met  la  en  un  logis  a  l'escart:  pour  dire,  Tu  habiter  as  aupres  de  tes  freres:  mais  quoy  qu'il  en  soit  tu  n'empescheras  point  qu'ils  n'aient  la  region  que  ie  leur  ay  assignee  en  heritage.  Or  notamment  il  est  parle  des  freres  :  et  toutesfois  il  n'y  avoit  sinon  Isaac:  ainsi  c'est  pour  monstrer  que  Dieu  n'avoit  point  eu  esgard  ni  a  un  ni  a  deux,  quand  il  a  ainsi  reclus  Ismael:  mais  que  c'a  este  comme  si  desia  le  peuple  eut  habite  en  la  terre  de  Chanaan  :  le  peuple,  di-ie,  qui  n'estoit  point  nay,  et  qui  n'est  point  nay  long  temps  apres.  C'est  en  somme  ce  que  nous  avons  encore  a  retenir.  Or  de  la  nous  pouvons  estre  confermez:  toutesfois  et  quantes  que  nous  voions  les  meschans  et  contempteurs  de  Dieu  (qui  sont  ainsi  noz  ennemis  mortels)  escumer  et  ietter  leurs  bouillons:  que  nous  sachions  que  nostre  Seigneur  les  pourra  bien  empescher  et  retenir,  et  qu'il  les  destournera  d'un  autre  coste:  et  quand  il  semblera  qu'ils  nous  doivent  ietter  et  chasser  hors  du  monde,  que  nostre  Seigneur  les  tiendra  comme  captifs,  encores  qu'ils  ne  sachent  comment.  Bref,  ce  qui  est1  ici  descrit  d'Ismael,  nous  l'experimenterons,  moiennant  que  nous  soions  patiens,  et  que  nous  invoquions  Dieu,  et  que  nous  ne  doutions  pas  qu'il  n'ait  les  moiens  en  soy  de  nous  sauver,  lesquels  nous  n'appercevons  pas  du  premir  coup.  Or  venons  maintenant  a  ce  que  Moyse  recite  quant  a  Isaac  :  II  est  vray  que  desia  il  en  avoit  touche  :  mais  il  faut  bien  qu'il  soit  deduit  plus  a  plein.  Il  a  dit  qu'Iaac  avoit  quarante  ans  quand  il  a  eu  Eebecca  sa  femme:  et  puis  qu'elle  a  este  sterile.  Or  il  est  vraysembable  qu'Ismael  avoit  este  marie  plustost:  car  nous  avons  veu  ci  dessus,  que  Hagar  sa  mere  luy  avoit  donne  femme,  sans  que  l'aage  soit  marque:  et  on  peut  mesme  recueillir  qu'il  estoit  encore  bien  ieune,  Isaac  vient  iusqu'a  l'aage  de  quarante  ans,  et  pouvoit  desia  estre  debilite  avant  qu'entrer  en  mariage.  Le  voila  donc  comme  retarde.  Or  notons  que  tout  ce  temps-la  ne  s'est  pas  passe,  qu'il  n'entrast  souvent  en  conte,  pour  s'enquerir  de  ceste