54:25  25  SUR  LA  SECONDE  A  TIMOTHEE.  26  de  ses  ancestres,  il  n'entend  pas  d'approuver  toutes  les  superstitions  qui  estoyent  survenues,  comme  alors  il  y  avoit  des  erreurs  tant  et  plus  entre  les  Iuifs.  Sainct  Paul  n'a  garde  de  se  vouloir  la  envelopper:  mais  il  parle  de  ses  ancestres,  entant  qu'il  estoit  descendu  d'Abraham:  et  par  ce  moyen  il  rapporte  le  tout  a  ceste  origine,  et  a  ceste  source  de  l'alliance  que  Dieu  avoit  faite  avec  les  Iuifs.  Comme  quand  nous  dirons  que  nous  tenons  la  foy  des  saincts  Peres,  nons  parlons  en  verite.  Et  pourquoy?  Qui  sont  nos  Peres  (suivant  ce  qui  est  dit  au  Pseaume)  sinon  les  Apostres,  et  ceux  qui  ont  este  commis  pour  publier  l'Evangile  par  tout  le  monde,  et  les  Martyrs  qui  les  ont  ensuivis.  Nous  protestons  donc  en  verite  que  nous  tenons  la  foy  des  saincts  Peres,  et  cependant  nous  rapportons  le  tout  a  l'Evangile.  Mais  quand  les  Papistes  se  glorifient  de  tenir  la  foy  des  Peres,  c'est  a  fausses  enseignes.  Et  pourquoy?  Car  ils  amenent  pour  leurs  peres  des  povres  abusez  qui  ont  este  au  temps  d'ignorance  :  ils  prendront  des  moines  qui  ont  songe  et  resve  beaucoup  de  menus  fatras.  Voila  donc  les  peres  des  Papistes.  Et  d'avantage,  quand  ils  se  veulent  servir  des  docteurs  anciens,  ils  prendront  leurs  erreurs:  et  ce  qui  est  la  de  bon  et  de  pur,  sera  reiette,  qu'il  semble  qu'ils  ayent  conspire  d'aneantir  toutes  les  graces  de  Dieu.  S'il  y  a  cependant  quelque  chose  mal  couchee,  s'il  y  a  quelque  lecture  pour  colorer  leurs  resveries,  voila  ce  qu'ils  prenent,  voila  en  quoy  ils  adherent  a  leurs  peres.  Autant  en  estoit-il  du  temps  de  sainct  Paul.  Ainsi  notons  bien  que  sainct  Paul  ne  veut  pas  ici  condamner  tout  changement  qui  se  fera  quand  la  religion  aura  este  mal  conduite,  et  que  les  hommes  y  auront  apporte  de  leurs  inventions:  il  faut  que  tout  cela  soit  retranche,  il  faut  qu'on  reviene  a  la  pure  et  simple  religion  de  Dieu,  afin  que  ce  fondement  demeure,  que  Dieu  seul  regne,  et  qu'il  conduise  son  peuple.  Mais  sainct  Paul  disant  qu'il  a  adore  Dieu  depuis  ses  ancestres,  entend  qu'il  n'a  point  derogue  a  la  pure  religion  telle  que  Dieu  l'avoit  establie  entre  les  Iuifs.  Et  de  la  aussi  nous  voyons  que  sainct  Paul  n'a  pas  voulu  ici  dire  en  general,  que  celuy  'qui  pourra  alleguer  ses  ancestres,  soit  iustifie  par  ce  moyen,  car  ce  seroit  une  pure  mocquerie.  Les  Turcs  auiourd'huy  scauront  bien  dire,  Nous  servons  a  Dieu  depuis  nos  ancestres:  car  il  y  a  beaucoup  de  temps  passe  que  Mahommet  les  a  abbruvez  de  ses  resveries  diaboliques.  Voila  donc  environ  mille  ans  que  ces  mal-heureux  sont  enyvrez  en  leurs  folies,  ils  pourront  alleguer  que  leur  religion  n'est  pas  nouvelle.  Mais  quand  elle  auroit  este  des  la  creation  du  monde,  ce  n'est  rien  dit.  Pourquoy?  L'idolatrie  a  este  de  ce  temps-la.  Nous  voyons  qu'elle  n'a  point  este  seulement  quand